OMAYELETUMBULO 11:5 - Ombibeli Iyapuki

⁵ Ouhenashipo womuyuki tau lalakanifa ondjila yaye, ndelenee omuhenakalunga tau nyonwa po kouhenakalunga waye.

OMAYELETUMBULO 11:5 Referans Kwoze

OMAYELETUMBULO 5:22

Omuhenakalunga ta kwatwa komanyono aye mwene, ndele ta yulwa keefipa domatimba aye mwene.

OMAYELETUMBULO 11:3

Ovayuki tava endifwa kouhenashipo wavo, ndelenee ovaliteeki tava hanaunwa po koipupulu yavo.

OMAYELETUMBULO 3:6

Mu shiiva meendjila doye adishe, opo nee Ye ota ka lalakanifa omalila oye.

2 SAMUEL 17:23

Ndele Ahitofel eshi a mona nokutya, eendunge daye inadi shikulwa, okwa manga ondongi yaye ndele ta fikama. Nokwa ya keumbo laye lomoshilando shaye, nokwa longekida eumbo laye ndele e liponda. Osho ngaha hano ye a fya nokwa pakwa mombila yaxe.

OVATOKOLIPANGELI 20:41

Ovalumenhu Ovaisraeli eshi va piluka, ovalumenhu Ovabenjamin va haluka, osheshi ve wete omupya otau ke va hanga.

OMAYELETUMBULO 12:3

Kape nomunhu ta dulu okulikaleka nomwenyo molwouhenakalunga. Ndelenee omudi wovayuki itau tengauka.

OMAYELETUMBULO 21:29

Omuhenakalunga ota kukutike oshipala shaye, ndelenee omuyuki ta yukifa eendjila daye nawa.

JOB 18:7

Eenghatu dokweenda kwaye di neenghono tadi ka ninga dinini, nepukululo laye mwene tali mu wilifa poshi.

OMAYELETUMBULO 1:18

Osho ngaha vo ohava nangele ohonde yavo vene, vo hava holamene omwenyo wavo vene.

OMAYELETUMBULO 13:6

Ouyuki tau amene ou ha ende ehe noshipo. Ndelenee ouhenakalunga tau pundukifa omulunde.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMAYELETUMBULO 15:19

Ondjila yomundede oyo ya fa omangade omano, ndelenee elila lovayuki la kokolwa.

OMAYELETUMBULO 28:18

Ou ha ende nouyuki ota ka kwafwa, ndelenee ou ta ende nokutengatenga neendjila, ota wile po.

JESAJA 26:7

Elila lomuyuki ola yuka, elila lomuyuki, Ove to li yelakanifa.

HOSEA 5:5

Ndele okuhola ounhwa kwaIsrael taku mu pe oushima koshipala shaye. Ndele Israel naEfraim otava ka pundukila oulunde wavo. NaJuda yo ota ka pundukila pamwe navo.