OMAYELETUMBULO 10:7 - Ombibeli Iyapuki

⁷ Okudimbulukiwa kwomuyuki taku nangekwa noupuna, ndelenee edina lomuhenakalunga tali xulu po.

OMAYELETUMBULO 10:7 Referans Kwoze

OMAPSALOME 112:6

shaashi ye iha tengauka nande; okudimbulukiwa kwomuyuki otaku kala alushe.

LUKAS 1:48

eshi a tala ouxupi womupiya. Tala, okonena omapupi aeshe otaa fimaneke nge ndimunelao.

MARKUS 14:9

Oshili handi mu lombwele: Keshe oko mounyuni aushe evaengeli tali ka udifwa, naashi yo ye e shi ninga, otashi ka hepaululwa oku mu dimbulukwa.”

OMAPSALOME 109:13

Oludalo laye nali kombwe po sheke, movatekulu edina lavo nali dimwe mo.

2 OMAFIMBO 24:16

Nokwa pakwa peehamba moshilando shaDavid. Osheshi ye a ninga osho shiwa muIsrael naashi sha wapalela Kalunga nongulu yaye.

OMAPSALOME 109:15

oyo nai kale alushe koshipala shOmwene, opo a dimbwife okushiivika kwavo kombada yedu.

JOB 18:17

Edimbulukifo laye tali kana kombada yedu, ndele ehe nedina tali tumbulwa momapandavanda.

2 EEHAMBA 19:34

Ndele Ame ohandi ka amena oshilando eshi, ndi shi xupife omolwange mwene nomolwomupiya wange David.’ ”

1 EEHAMBA 11:36

Nomona waye omulumenhu Ame ohandi ke mu pa epata limwe, opo omupiya wange David, a kale alushe e nolamba moipafi yange muJerusalem, oshilando Ame nde shi hoololela edina lange, opo li kale mo.

OMUUDIFI 8:10

Ame nda mona yo nhumbi ovahenakalunga va pakwa ndele va ya metulumuko, fimbo ovo va enda pauyuki va li ve nokudja po ponhele iyapuki ndele va dimbuwa moshilando. Nasho yo ongahoelela.

JOB 27:23

Ota pandulilwa omake ndele tave mu shikilwa omwilwa kovambulavo.

JEREMIA 17:13

Eteelelo laIsrael Oove Omwene, aveshe ava tave ku liteeka otava ka fifwa ohoni. Heeno, aveshe ve liteeka nge otava shangelwa mondwi yedu, osheshi vo ova efa ofifiya yomeva omanamwenyo, Omwene mwene.

2 OMAFIMBO 32:33

Ndele Hiskia okwa ka nangala pooxe, nokwa pakwa moshikulundu kusho taku londwa eshi taku iwa keembila doludalo laDavid. Ndele Juda ashishe noonakukala muJerusalem ve mu fimaneka pokufya kwaye. Nomona waye Manasse okwa ninga ohamba ponhele yaye.

JOB 24:20

Oshidalelo shaina tashi mu dimbwa. Omainyo tae mu li nehafo. Ye ita dimbulukiwa vali. Osho ngaha hano owii tau teyaulwa po ngaashi oshiti.

OMAPSALOME 34:16

Oshipala shOmwene otashi nyonyodola ovanawii, a kombe po edimbulukifo lavo kombada yedu.

OMAYELETUMBULO 22:1

Edina li nondilo li dule oupuna uhapu, nohokwe i dule oshisiliveli noshingoldo.

JESAJA 14:22

Osho hano handi ke va kondjifa, Omwene Kalunga komatanga ovakwaita osho ta popi: “Ohandi dimi po edina laBabilon noixupe yasho nepata noludalo lasho, Omwene osho ta ti.

OMAPSALOME 34:17

Ngee ovayuki otava kuwile ekwafo, Omwene ote va udu, ndele te va xupifa momaudjuu avo aeshe.

OMAPSALOME 41:5

Ovayelani vange otava popi nge nai tava ti: “Onaini mbela ta fi, nedina laye li xule po?”