OMAYELETUMBULO 10:21 - Ombibeli Iyapuki

²¹ Omilungu dovayuki tadi yukifa ovanhu vahapu. Ndelenee omalai taa fi, shaashi ehe neendunge.

OMAYELETUMBULO 10:21 Referans Kwoze

HOSEA 4:6

Oshiwana shange tashi ka kombwa po omolwoulai washo. Ove eshi wa ekelashi okushiiva, ohandi ke ku ekelashi, opo uha kale vali nokuyakula nge moshilonga shoupristeli. Osheshi ove wa dimbwa omhango yaKalunga koye, naame yo ohandi ka dimbwa ovamwoye.

OMAYELETUMBULO 17:16

Oimaliwa yokulikongela ounongo oi noshilonga shashike meke lelai? Shaashi ehe neendunge okulikongela eendunge.

MATEUS 13:19

Ngeenge oku na ou ta udu eendjovo douhamba ye ke di udite ko, opo nee omunawii te uya ndele ta nyeka mo odo da kunwa momutima; odo tuu odo da kunwa mondjila.

OMAYELETUMBULO 1:29

Shaashi vo tava tondo eshiivo ndele inava hoolola etilo lokutila Omwene,

OMAYELETUMBULO 15:4

Elaka lipu olo omuti womwenyo, ndelenee lo ngeenge li noipupulu tali holola omufya womomhepo.

OMAYELETUMBULO 5:23

Ye ota ka fya, shaashi okwa li ehe noutekuduliko, ndele ta ka undulilwa mepuko molwounene woulai waye.

OMAYELETUMBULO 5:12

ndele tamu ka tya: “Ame nda tonda ngahelipi outekuduliko, nomutima wange wa dina ngahelipi okuhanyenwa!

OMAYELETUMBULO 1:31

Onghee hano vo otava ka lya koiimati yokweenda kwavo nokukuta keemhangela davo.

JOB 23:12

Inandi kanduka mo moshipango shomilungu daye. Eendjovo dokanya kaye nde di diinina komesho yomhangela yange.

JEREMIA 15:16

Eendjovo doye oda hanga nge, ame onde di lya nde di pona. Ndele eendjovo doye oda li kwaame enyaku nehafo lomutima wange, osheshi ame onda lukilwa edina loye, Omwene, Kalunga komatanga ovakwaita.

OMAYELETUMBULO 12:18

Omunhu ta tu neendjovo ngaashi eongamukonda, ndelenee elaka lovanaendunge tali velula.

1 PETRUS 5:2

Lifeni oufita waKalunga mwe u pewa, hakefininiko, ndelenee omehalo liwa; hamolweliko la kaka, ndelenee okehalo liwa lokomwenyo pahalo laKalunga,

OVAROMA 1:28

Ndele ngaashi ovo va dina eshiivo lokushiiva Kalunga, osho yo Kalunga okwe va efela meendunge dii, va longe eshi inashi wapala:

JEREMIA 3:15

Ndele Ame ohandi mu pe ovafita, ngaashi omutima wange wa hala, vo ve ke mu life neendunge nounongo.

OMAPSALOME 37:30

Okanya komuyuki otaka popi ounongo, nelaka laye ouyuki.

MATEUS 12:35

Omunhu muwa ota holola mo ouwa omelimba laye liwa, nomunhu mwii ota kufa melimba laye lii owii.

OMAYELETUMBULO 6:32

Ou ta teya ohombo nomukainhu, ye ke neendunge. Ou a hala okunyona po okukalamwenyo kwaye mwene, osho na ninge.

OMAYELETUMBULO 10:11

Okanya kovayuki oko ofifiya yomwenyo, ndelenee okanya kovahenakalunga taka holeke oukolokoshi.

OMAYELETUMBULO 1:32

Osheshi ovashima tava dipawa kokuliteeka kwavo, nokukala kwavo kuhe noshisho taku nyono po omalai.

OMAYELETUMBULO 5:2

opo u mone omayele a wana nomilungu doye opo di diinine eshiivo.

OMAYELETUMBULO 15:7

Omilungu dovanongo tadi kunu eshiivo, ndelenee omutima womushima inau yuka.

OMUUDIFI 12:11

Eendjovo dovalumenhu ovanamayele odi li ngaashi oivela neendjovo da ongelwa odi li ngaashi eembosha da dengelwa mokule, adishe da yandjwa kOmufita umwe auke.

JESAJA 5:13

Onghee hano ovanhu vange otava i moukwatwa omolwaashi vehe na eshiivo, novanamadina otava ka fya ondjala, novakolokoshi otava ka undikwa kenota.