OMAYELETUMBULO 10:1 - Ombibeli Iyapuki

¹ Omayeletumbulo aSalomo: Omona omunaendunge ta hafifa xe, ndelenee omona elai oye oluhodi laina.

OMAYELETUMBULO 10:1 Referans Kwoze

OMAYELETUMBULO 1:1

Omayeletumbulo aSalomo yaDavid, ohamba yaIsrael,

OMAYELETUMBULO 29:3

Omulumenhu e hole ounongo, ota hafifa xe. Ndelenee ou ta endafana neembwada ota nyono po emona laye.

OMAYELETUMBULO 17:25

Omona omushima ye oluhodi laxe, nouyehame munene waau e mu dala.

OMAYELETUMBULO 29:15

Oshimwati nehanyeno tali yandje komunhu eendunge. Ndelenee omumati ehe noutekuduliko ta fifa ohoni ina.

OMAYELETUMBULO 15:20

Omona ta hafifa xe, nomunhu omushima ta dini ina.

OMAYELETUMBULO 17:21

Elai tali etele omudali walo oluhodi, naxe yelai ke nehafo.

OMAYELETUMBULO 19:13

Omona omushima oye oupyakadi waxe, nokungongota kwomwalikadi okwo ngaashi onhongo tai ndoda efimbo alishe.

OMUUDIFI 12:9

Ndele ponho younongo Omuudifi, ye okwa longa ovanhu okushiiva, nokwa diladila ndele a konakona nokwa tunga omayeletumbulo mahapu.

OMUUDIFI 2:19

Ndele olyelye e shi shii ye ngeenge omunongo ile elai? Ndele ye ota ka pangela oilonga yange aishe nde i longa noudjuu ndele nde i likongela nounongo koshi yetango. Nasho yo oshongahoelela.

OMAYELETUMBULO 25:1

Naao omayeletumbulo aSalomo, ovalumenhu vaHiskia, ohamba yaJuda ve a ongela.

1 EEHAMBA 4:32

Ndele ye okwa tota omayeletumbulo omayovi atatu nomaimbilo aye oku li eyovi limwe naatano.

OMAYELETUMBULO 13:1

Omona omunandunge ta pwilikine outekuduliko waxe, ndelenee omusheki iha udu ko ekumaido.

OMAYELETUMBULO 27:11

Kala u neendunge, omumwange, hafifa omutima wange, opo nee handi dulu okunyamukula ovalundili vange.

OMAYELETUMBULO 29:17

Handukila omumwoye omumati, opo ye ote ku hekeleke ndele ta hafifa omwenyo woye.