OMAYELETUMBULO 1:7 - Ombibeli Iyapuki

⁷ Okutila Omwene oko efina leshiivo. Omalai taa dini ounongo noutekuduliko.

OMAYELETUMBULO 1:7 Referans Kwoze

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OMAPSALOME 111:10

Okutila Omwene oko efina lounongondunge, aveshe ava tava kala mulo, otava nongopalelele; efimano laye ohali kala fiyo alushe.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

OMAYELETUMBULO 9:10

Efina lounongo olo okutila Omwene. Okushiiva Omuyapuki okwo eendunge.

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

OMAYELETUMBULO 18:2

Elai itali hokwa eendunge, ndelenee okuholola ashike omutima walo.

OMAYELETUMBULO 1:22

“Fiyo onaini nye ovashima mu hole oushima, novasheki mwa hala okusheka, nomalai okutonda eshiivo?

OVAROMA 1:28

Ndele ngaashi ovo va dina eshiivo lokushiiva Kalunga, osho yo Kalunga okwe va efela meendunge dii, va longe eshi inashi wapala:

OMAYELETUMBULO 15:5

Elai tali dini outekuduliko waxe, ndelenee ou ta tambula ehanyeno, ota ka ninga omunongo.

DEUTERONOMION 4:6

Di diinineni hano noku di wanifa, osheshi do ounongo weni neendunge deni momesho oiwana, oyo tai ka uda eenghedimhango edi ndele tai ti: ‘Oshili, oshiwana eshi shinene oshovanhu ve nounongo neendunge.’

OMAYELETUMBULO 2:5

opo nee to ka uda ko etilo lokutila Omwene nokumona eshiivo lokushiiva Kalunga.

OMAYELETUMBULO 15:32

Ou ta ekeleshi outekuduliko, ota dini okukalamwenyo kwaye mwene, ndelenee ou ta pwilikine epukululo, ote likongele eendunge.

OMAYELETUMBULO 23:9

Ino popya momatwi elai, osheshi eendunge domeendjovo doye otali di dini.