OMAIMBILOKEMO 3:2 - Ombibeli Iyapuki

² Oye okwa endifa nge ndele a twala nge momilaulu muhe nouyelele.

OMAIMBILOKEMO 3:2 Referans Kwoze

JESAJA 59:9

Onghee hano eyukifo liyuki ole tu ama kokule nouyuki itau tu hange, fye ohatu teelele ouyelele, ndelenee tala, omilaulu di li po, etendo leluwa, ndelenee ohatu ende nomilaulu fokofoko.

JOB 30:26

Heeno, onda teelela elao, ndelenee omupya wa hanga nge. Nda nangela ouyelele, ndelenee omulaulu we uya!

JUDAS 1:13

Ovo omakufikufi omefuta tava tutumike onhutu yohoni yavo vene. Ovo eenyofi da pukilila, ovo va teelelifwa omulaulu womilaulu fokofoko fiyo alushe.

JUDAS 1:6

Novaengeli venya, ava va li inava diinina oulenga wavo, ndele va fiya po omitumba davo vene, okwe va idilila nomulaulu, omomapando alushe, va diininwe ngaha fiyo okefiku olo linene letokolo.

OMAIMBILOKEMO 2:1

Akutu, ongahelipi Omwene mehandu laye okwa tuvika noilemo omona okakadona kaSion! Efimano laIsrael meulu okwe li ekelashi poshi, ndele ina dimbulukwa oshipundi sheemhadi daye mefiku lehandu laye.

JEREMIA 13:16

Fimanekeni Omwene, Kalunga keni fimbo inaku laula nofimbo eemhadi deni inadi koyauka keemhunda momilaulu. Opo nee nye otamu kala nokuteelela ouyelele, ndelenee Ye ote u lundulula tau ningi omudidimbe wefyo, note u ningi omilaulu fokofoko.

JEREMIA 4:23

Onda tala edu, ndelenee tala, ola dundakana, nola li lihe na sha, nokeulu yo, ndelenee lo la li lihe nouyelele.

JOB 18:18

Ota undulwa mouyelele, a ye momulaulu, ndele ta ka tewa mo mounyuni.

DEUTERONOMION 28:29

ndele to ka enda nokupamhadala mokati komutenya ngaashi ovapofi hava ende nokupamhadala momulaulu, ndele ito ka mona elao meendjila doye. Ndele efimbo alishe to ka kala wa fininikwa nokunyekwa, ndele uhe na omupopili.