OMAIMBILOKEMO 2:8 - Ombibeli Iyapuki

⁸ Omwene osho a pangela a ngumaune po omakuma omona okakadona kaSion. Ye okwa shila ko oshiyelekifongodi, ndele Ye ina alula eke laye kehanauno. Heeno, eehote nomakuma okwe a nyikifa oluhodi, vo aveshe kumwe ova teyauka.

OMAIMBILOKEMO 2:8 Referans Kwoze

2 EEHAMBA 21:13

Ame ohandi ka yeleka Jerusalem noshiyelekifongodi tuu shimwe nda yelekifa nasho Samaria, ndele handi ke shi yeleka noshiyelekifo osho nda yelekifa nasho epata laAhab. Ndele handi ka kosha Jerusalem ngaashi oshiyaxa tashi koshwa. Sho otashi koshwa ndele tashi pwipwikwa.

JEREMIA 14:2

Juda osha nyika oluhodi, noivelo yomusho otai teka po. Vo ohava kala omutumba poshi, va nyika oufiye, nomalilaano aJerusalem taa i pombada.

JESAJA 34:11

Ndelenee onyundu newanye otai shi fyuulula, exuvi nekola otaa kala mo; ndele Ye ota mangele ko ongodi yokumbuwaleka nongodi yoholo shi kale hamungaho.

JESAJA 3:26

Ndele oivelo yoye otai ka kala nokupopya nokutakuma, ndele tashi tinhwa po filu, ndele tashi kala omutumba pedu.

JEREMIA 5:10

Londeni kohotekuma yasho nye mu shi hanaune po, ndelenee inamu shi teyaula po sheke. Teteni po omashila omiviinyu, osheshi kae fi Omwene.

HESEKIEL 20:22

Ndelenee Ame nda alula eke lange ndele nde shi ninga molwedina lange, opo liha dinwe momesho oiwana yovapaani, moipafi yavo Ame nde va pitifa mo.

OMAIMBILOKEMO 2:17

Omwene okwa shakenifa eshi Ye e shi nuninine. Ondjovo yaye okwe i wanifa, ei Ye e i tongele pomafiku onalenale; okwe shi ngumauna po ke nonghenda, nomutondadi okwe mu hafifa molwoye, nokwa yelulila pombada oluvinga lomunaita naave.

OMAIMBILOKEMO 2:5

Omwene okwe lininga ngaashi omutondadi, Ye okwa pona po Israel; eengulu doupuna adishe okwe di pona po, eehotengulu okwe di ngumauna po. Ndele okwa hapupalifa okulila nokukema kwomona okakadona kaJuda.

OMAIMBILOKEMO 2:2

Omwene okwa hanauna nokuhenonghenda eenhele adishe dokukala kwaJakob, moupyuhandu waye Ye okwa hanauna po eehotengulu domona okakadona kaJuda nokwe di ngumaunina poshi; okwa xutula ouhamba neehamba dao.

JESAJA 28:17

Ndele omatokolo a yuka ohandi a ningi eyelekongodi, nouyuki ohandi u ningi oshiyelekifo,” eemhawe otadi hanauna po eameno loipupulu neyelu otali yelula, tali twala onhele yokuhondama.

JESAJA 5:5

Onda hala ndi mu hololele, eshi handi ningile oshikokola shange shomiviinyu; ongubu yasho ohandi i umbulula, shi lifwe po, nekuma lasho ohandi li ngumauna po, shi lyataulwe po.

JOB 13:21

Kufe nge eke loye! Nomahalwifo oye aha tilife nge.

2 SAMUEL 8:2

Ye okwa ta yo Ovamoab. Eenghwate okwe di nangeka momikweyo nhatu. Omikweyo mbali okwe di dipaa, naumwe okwe u xupifa. NOvamoab va ninga ovapiya vaDavid ndele ve mu yandjela oifendela.

OMAIMBILOKEMO 2:18

Ifana pombada kOmwene, ove ohotekuma yomona okakadona kaSion! Tondokifa omahodi oye ngaashi omulonga omutenya noufiku. Ino dimbwa, u tulumukwe; eisho loye inali fifikina.

JESAJA 22:5

Osheshi eli olo efiku lepiyaano, lehanauno noledundakano mefilu lemoniko, la tokolwa kOmwene, Kalunga komatanga ovakwaita. Omakuma okwa kumunwa po, nonghuwo otai kuwaana keemhunda.

JEREMIA 52:13

nokwa xwika po ongulu yOmwene nouhamba. Nosho yo eengulu adishe domuJerusalem nakeshe eumbo lakula okwe li xwika po nomundilo.