OMAIMBILOKEMO 2:6 - Ombibeli Iyapuki

⁶ Ndele etwali laye okwe li hanauna po ngaashi oshikunino. Onhele yaye mwene yoshivilo okwe i hanauna po. Omwene okwa dimbwifila muSion oshivilo nEshabata, ndele mehandu laye la xwama okwa ta mo ohamba nomupristeli.

OMAIMBILOKEMO 2:6 Referans Kwoze

SEFANIA 3:18

Oonakunyika oufiye ve li kokule noiongalele yoivilo, Ame ohandi va ongele. Ovo tuu ava va dja mwoove nesheko le va djuupalela.

OMAIMBILOKEMO 1:4

Eendjila dokuSion oda nyika oluhodi, osheshi kape novauyi tave uya koshivilo. Omivelo dasho adishe da tokekwa, ovapristeli vasho hava keme noukadona vasho va nyika oluhodi, nasho vene shi udite oululu.

OMAIMBILOKEMO 4:16

Oshipala shOmwene she va halakanifa po. Oye ite ke va tala vali nohokwe. Inava fimaneka vali ovapristeli noinava fila ovaxungu onghenda.

MALAKIA 2:9

Osho hano naame yo ohandi ke mu ninga ovadinwa novashundulwa poshiwana ashishe, osheshi nye itamu diinine eendjila dange ndele tamu kala mu nokatongotongo melongelo.

HESEKIEL 17:18

osheshi ye okwa dina eano mokuteya po ehangano. Ndele, tala, nande ye a yandja eke mokupaafana omake, ye okwa ninga oinima aishe ei. Ye ite ke lixupifa.

OMAIMBILOKEMO 5:12

Omake avo a ponda ovapangeli, ndele ovakulunhu inava fimanekwa.

OMAIMBILOKEMO 4:20

Oye omufudo womayulu etu, omuvaekwa wOmwene, okwa yulwa momakelo avo, Oye ou twa li tu shii: “Omomudile waye hatu ka kala mo mokati kovapaani.”

JESAJA 64:11

Otembeli yetu iyapuki noya fimana, omo ootate ve ku hambelelela mo, oya lungwina komundilo, noinima yetu aishe ya fimana oya ninga onduba yomakuma.

JESAJA 63:18

Okafimbo okaxupi kongaho oshiwana shoye sha hoololwa sha nangala edu lasho, novatondadi vetu ova lyataula ouyapuki woye.

JESAJA 43:28

Osho nee onda xutula ovakulunhu ovayapuki, ndele nda yandja Jakob mehanauno naIsrael mesheko.

JESAJA 5:5

Onda hala ndi mu hololele, eshi handi ningile oshikokola shange shomiviinyu; ongubu yasho ohandi i umbulula, shi lifwe po, nekuma lasho ohandi li ngumauna po, shi lyataulwe po.

JESAJA 1:13

Inamu eta vali eendjayambo dongaho; omatwimino oo, oixuna yongaho kwaame. Eehani dipe nomashabata nomaifano oiongalele, okwa tondwa komwenyo wange, oulunde pamwe noivilo inene.

JESAJA 1:8

Omona okakadona kaSion oye aeke a xupa po, a fa etwali mepya lomiviinyu. A fa okanduda moshikunino shomatanga, a fa oshilando sha kondekwa.

OMAPSALOME 89:40

Omakuma aye aeshe neehote daye, owe a ngumauna po, owe a shitukifa oikulukuma.

OMAPSALOME 80:12

Molwashike hano wa panuna ongubu yao, naaveshe ava tava ende po, otava fola ko?

OMAPSALOME 76:2

Osheshi ondjuwo yaye oya tungwa muSalem, ongulu yaye okukala mo komhunda yaSion.

JEREMIA 17:27

Ndelenee ngeenge itamu pwilikine nge, nye itamu yapula efiku lEshabata noku li diinina notamu humbata omitengi mefiku lEshabata nokweenda moivelo yaJerusalem mefiku lEshabata, opo ohandi ka shakala omundilo moivelo yasho, tau lafa po eengulu doipuna domuJerusalem ndele itau dimi po.

JEREMIA 50:28

Pwilikina, ovainhapo noonakufaduka po tava di moshilongo shaBabilon, tave uya kuSion va shiivifile onghone yOmwene, Kalunga ketu, heeno, onghone omolwotembeli yaye.

LEVITIKUS 26:31

Noilando yeni Ame ohandi ke i ninga eenduba doikulukuma, neetembeli deni handi ke di tokeka ndele itandi hokwa edimba loitwiminifo yeni.

OMAPSALOME 74:7

Ouyapuki woye ove u xwika po, onhele yedina loye ove i nyateka nai fiyo okomukangha.

JESAJA 5:6

Ame ohandi shi efa shi ninge ofuka yongaho, shiha kokolwe vali, sho shiha limwe vali, shi mene omano neeshosholo, ndele handi lombwele oilemo ihe shi lokele vali odula.

JEREMIA 42:18

“Osheshi Omwene womatanga ovakwaita, Kalunga kaIsrael ota ti ngaha: ‘Ngaashi ehandu lange noupyuhandu wange wa tililwa kombada yoonakukalamo muJerusalem, osho yo oupyuhandu wange otau ka tililwa kombada yeni, ngeenge tamu i kuEgipiti. Ndele nye otamu ka ninga efingo noshitondifa nondjovo yefingano nelengaifo, ndele itamu ka mona vali onhele ei.’

JEREMIA 45:4

Ove u noku mu lombwela ngaha, u tye: Omwene ota ti ngaha: Tala, osho nde shi tunga ohandi shi ngumauna po, naashi nda twika po ohandi shi duda mo. Ndele eshi otashi hange edu alishe.