OMAIMBILOKEMO 2:11 - Ombibeli Iyapuki

¹¹ Omesho ange a twiyala komahodi; eshi shomeni lange osha fuluka. Omutima wange wa hala okutopa omolwenyonauko lomona okakadona koshiwana shange. Osheshi ounona nouhanana tava pundile po meendabo doshilando.

OMAIMBILOKEMO 2:11 Referans Kwoze

OMAIMBILOKEMO 1:20

Omwene, tala, nhumbi nda fininikwa, eshi shomeni lange otashi fuluka. Omutima wange owa pilama meni lange, osheshi ame nda li ndi nondudi. Pondje eongamukonda la kufa nge ovana vange, meni oudu wolutapo.

OMAIMBILOKEMO 1:16

Onghee hano ame ohandi lili, eisho lange, meisho lange tamu tondoka omeva, osheshi omuhekeleki wange a kala nge kokule a hekeleke nge. Ovamwange ova halakanifwa po, osheshi omutondadi a dula nge.

JOB 16:13

Oikuti yaye tai xwema kombinga nombinga yange. Ye ota taula eefiyo dange ehe nolukeno. Nonyango yange ote i tileshi poshi.

JEREMIA 4:19

Akutu, onhulo yange, onhulo yange! Ame handi kakamifwa kehaluko! Oikololo yomutima wange, omwenyo wange wa tukuluka, itandi dulu okumwena, osheshi ove omwenyo wange wa uda omanghuma taa kuwaana nonghuwo yolwoodi tai kuu!

JESAJA 22:4

Opo nee ohandi ti: Taleni pamwe pe lili, hakwaame, opo ndi shiive okulila nokuli lilila; inamu uya okuhekeleka nge molwehanauno lomona okakadona koshiwana shange.

OMAPSALOME 22:14

Onda fa omeva a tilwashi, omakipa ange aeshe a damuka; omutima wange owa ninga ngaashi edi, wa dilukila meni lange.

OMAPSALOME 6:7

Omesho ange okwa twiyala koluhodi nokwa kulupifwa molwovayelani vange aveshe.

LUKAS 23:29

Osheshi tala, omafiku otae uya fiku taku tiwa: ‘Ovanelao ovo eengadji, nomadimo inaa dala nomavele inaa nyamifwa.’

JEREMIA 44:7

Hano paife Omwene Kalunga komatanga ovakwaita, Kalunga kaIsrael, ota ti ngaha: “Omolwashike hano onye vene tamu lishilile omupya omunene, eshi tamu mane mo mokati keni ovalumenhu novakainhu nounona nouhanana vomuJuda, nye muhe lixupifile nande oshixupe.

JEREMIA 14:17

Ndele va lombwela ondjovo ei: “Omesho ange otaa tondokifa omahodi oufiku nomutenya, itaa kofa, osheshi okakadona, omona woshiwana shange okwa toshaulwa oipute, ihe shii kukumwa.

JEREMIA 8:19

Tala, ekuwaano lomona okakadona koshiwana shange otali udika koshilongo shokokule: Omwene ke mo muSion? Ohamba yaye kai mo? Ova handukifa nge shike oihongwafano yoikalunga noikalunga yongaho yovanailongo?

OMAPSALOME 69:3

Onda loloka kokukuwa kwange, omunino wange owa fita; omesho ange okwa dinda kokulila kwange, manga ndi li po nda teelela Kalunga kange.

OMAPSALOME 31:9

Omwene, file nge onghenda! Osheshi ame nda mbadapala; omesho ange a wiwikifwa kouyehame wange, omwenyo nolutu osho tuu.

1 SAMUEL 30:4

Opo nee David novakwaita vaye ava va li puye va yelula ondaka yavo ndele tava lili fiyo va loloka okulila.

JESAJA 38:14

Ngaashi okahanameva nongaashi ewanye ohandi lili, nohandi kwena ngaashi onghuti; omesho ange a leda molwokutala keulu: Omwene, popile nge, osheshi ame ohandi fininikwa.

JOB 30:27

Omandjadja ange taa fuluka, omafiku oluhepo a hanga nge.

OMAPSALOME 38:8

Onda alamekwa, nda mongoshoka, mokundakula kwomutima wange ohandi kuu pombada.

OMAPSALOME 119:82

Omesho ange otaa dakamene omaudaneko oye ndele taa ti: “Onaini to ya okuhekeleka nge?”

OMAIMBILOKEMO 5:17

Molwaashi omutima wetu tau vele. Molwaashi omesho etu a laula!

JESAJA 51:20

Ovamwoye ovamati ova unda, va nangala meengolo domapandavanda ngaashi omhuulu ya kwatelwa mekolo, ovo tuu ovo va handukilwa kOmwene nova tanguninwa kuKalunga koye.

OMAIMBILOKEMO 1:11

Oonakukalamo musho aveshe ohava kongo omungome nokweelaela. Eliko lavo ove li yandja va mone eendja, va fudife ondjala yavo. Ota ti: “Tala, Omwene, nokudimbulukwa nhumbi nda ninga omudinwa!”