OMAIMBILOKEMO 2:10 - Ombibeli Iyapuki

¹⁰ Ovakulunhu vomona okakadona kaSion va kala omutumba poshi, va mwena. Komitwe davo ove lifundila ondwi yedu, vo ova djala eeshako. Oukadona vomuJerusalem ova nyongameka omitwe davo pedu.

OMAIMBILOKEMO 2:10 Referans Kwoze

JESAJA 3:26

Ndele oivelo yoye otai ka kala nokupopya nokutakuma, ndele tashi tinhwa po filu, ndele tashi kala omutumba pedu.

JESAJA 15:3

Momapandavanda avo ova djala eeshako, ndele tava keme aveshe kombada yeengulu nomeendabo dokulandela, ndele tava ngabuka mokulila.

AMOS 8:3

Ndele mefiku tuu olo omaimbilo omotembeli otaa shituka oupongo. Omwene Kalunga ta ti: Oimhu oi li po ihapu, ye lihanena meenhele adishe. Filu!”

HESEKIEL 7:18

Otava ka djala eeshako noumbada tau ke va tuvika. Noipala yavo aishe tai ka fya ohoni nomitwe davo da tenda ongwala.

OMAIMBILOKEMO 3:28

Ne likalele omutumba ndele na mwene, eshi Oye e i mu lekifa.

OMAIMBILOKEMO 1:4

Eendjila dokuSion oda nyika oluhodi, osheshi kape novauyi tave uya koshivilo. Omivelo dasho adishe da tokekwa, ovapristeli vasho hava keme noukadona vasho va nyika oluhodi, nasho vene shi udite oululu.

OMAIMBILOKEMO 1:1

Akutu, oshilando eshi sha kala nale shi yadi ovanhu, ongahelipi tashi kala omutumba mowike! Sho osha ninga omufiyekadi, osho eshi sha kala shakula mokati koiwana! Ohamba omukainhu mokati koilongo, paife oyo ya ninga ovakotokeli.

JESAJA 47:1

Londoloka, u kale omutumba mondwi yedu, oove okakadona, omona okakadona Babilon. Kala omutumba pedu longaho, uhe na olukalwapangelo, oove omona okakadona kaKaldea, osheshi ito ifanwa vali omundebauki nomupu.

JOSUA 7:6

Opo nee Josua okwa pombaula oikutu yaye nokwa wila eombe komesho yoshikefa shOmwene fiyo onguloshi ye novakulunhu vaIsrael, ndele ve lifundila edu komitwe.

EHOLOLO 18:19

Ndele ove lifundila edu momitwe davo ndele tava ingida pombada nokulila nokunyemata, tava ti: “Woo, Woo, oshilando ove shinene, omo aveshe ava va kala ve neeskepa mefuta, va likola moupuna washo, osheshi sha hanaunwa po mokafimbo kamwe akeke.

AMOS 8:13

Mefiku tuu olo oukadona vawa novamati tava ka notelwa kenota,

AMOS 5:13

Onghee hano omunaendunge ota kala nokumwena mefimbo la tya ngaha, osheshi olo efimbo lii.

JOEL 1:8

Kema ngaashi okakadona ka djala oshako molwomumati womounyasha waye.

HESEKIEL 27:31

Nomolwoye vo otave likululifa omapalu nokudjala eeshako, ndele tave ku lili nomwenyo u udite oululu nokukema unene.

OMAIMBILOKEMO 5:14

Ovakulunhu kave po vali poshivelo, novamati vehe na vali ouxumbafeta vavo.

OMAIMBILOKEMO 5:12

Omake avo a ponda ovapangeli, ndele ovakulunhu inava fimanekwa.

OMAIMBILOKEMO 4:16

Oshipala shOmwene she va halakanifa po. Oye ite ke va tala vali nohokwe. Inava fimaneka vali ovapristeli noinava fila ovaxungu onghenda.

OMAIMBILOKEMO 4:5

Ava va lya eendja dinyenye, ova pundila po momapandavanda. Ava va djala oikutu itilyana, otava papatele oshala.

JEREMIA 8:14

Molwashike otu li po omutumba ndele twa mwena filu? Ongaleni tu yeni moilandohote ya pama tu ka file mo! Osheshi Omwene Kalunga ketu ote tu efa tu fye po, ndele te tu nwefa omeva oudiyo, osheshi fye otwa nyona kOmwene.

JESAJA 47:5

Kala omutumba wa mwena filu, inda momilaulu, oove omona okakadona kaKaldea; osheshi ito ifanwa vali omupangeli woilongo.

JESAJA 36:22

Opo nee Eliakim yaHilkia, elenga lohamba naSebna, omushangi womouhamba noJoah yaAsaf, elenga ekulunhu ove uya kuHiskia, ve noikutu ya pombaulwa nove mu hepaululila eendjovo adishe daRabsake.

2 SAMUEL 13:19

Tamar okwa undila omute komutwe waye nokwa pombaula oshikutu osho shile shi nomaoko male. Opo nee e likwata ombadomutwe ndele ta ende nokulila pombada.

JESAJA 3:24

Ponhele yedimba liwa otapa kala otwila, ndele ponhele yomwiya tapa kala omufuwa; ponhele yeexwiki epalu; ponhele yoshikutu shoshivilo oshako; ponhele youwa wolutu okuxwika noshilimbo.

HESEKIEL 27:30

ndele omolwoye vo otava ka kuwa onghuwo nokulila unene. Ndele vo otave ke litilila ondwi yedu komitwe davo notava alangatele momute.

JONA 3:6

Ndele ondaka eshi ya hanga ohamba yomuNinive, oyo ya fikama kolukalwapangelo layo, oye lidula oshikutu shayo, ndele ya djala oshako noya kala omutumba momute.