OMAIMBILOKEMO 2:1 - Ombibeli Iyapuki

¹ Akutu, ongahelipi Omwene mehandu laye okwa tuvika noilemo omona okakadona kaSion! Efimano laIsrael meulu okwe li ekelashi poshi, ndele ina dimbulukwa oshipundi sheemhadi daye mefiku lehandu laye.

OMAIMBILOKEMO 2:1 Referans Kwoze

OMAPSALOME 132:7

Tu yeni moukalelo waye, fye tu ka tweni eengolo poshilyatelo sheemhadi daye.

1 OMAFIMBO 28:2

Nohamba David oya kala ofika ndele tai ti: “Ovakwetu, novanhu vange, pwilikinei nge! Ame nda li nda diladila okutungila oshikefa shehangano lOmwene ongulu yetulumuko noshipundi sheemhadi daKalunga ketu, ndele nda kongela etungo oitungifo.

LUKAS 10:18

Opo Ye okwa tya kuvo: “Onda mona Satana a wa meulu ngaashi oluvadi.”

MATEUS 11:23

Naave yo Kapernaum, oto ka lengwa fiyo omeulu? Ahowe, oto ka kulukila fiyo omoshovafi! Osheshi ngeno muSodom mwa li mwa ningilwa oilonga ei yeenghono ya ningilwa mwoove, ngeno oko shi li nopaife.

JOEL 2:2

Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

HESEKIEL 30:18

Ndele muTahpanhes efiku tali laula, Ame eshi handi teyaula po ondjoko yaEgipiti, nelinenepeko lasho tali xulu po musho. Oshilemo tashi shi uvikile, novana vasho oukadona tava ka ya moupika.

OMAPSALOME 99:5

Tumbalekeni Omwene, Kalunga ketu, lidengeni poshi peemhadi daye, Oye Omuyapuki.

LUKAS 10:15

Naave yo Kapernaum, ino tumbilwa tuu fiyo omeulu? Oto ka kulukila fiyo omoshovafi.

HESEKIEL 24:21

Tya keumbo laIsrael: Omwene Kalunga ota ti ngaha: Tala, Ame ohandi ka nyateka otembeli yange, ohotengulu yeni, efimano lokulinenepeka, ouhokwe womesho eni nodjuulufi yomwenyo. Ndele ovana veni ovamati noukadona, ava mwe va fiile mo, otava ka dipawa keongamukonda.

OMAIMBILOKEMO 4:1

Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe!

OMAIMBILOKEMO 1:1

Akutu, oshilando eshi sha kala nale shi yadi ovanhu, ongahelipi tashi kala omutumba mowike! Sho osha ninga omufiyekadi, osho eshi sha kala shakula mokati koiwana! Ohamba omukainhu mokati koilongo, paife oyo ya ninga ovakotokeli.

JESAJA 64:11

Otembeli yetu iyapuki noya fimana, omo ootate ve ku hambelelela mo, oya lungwina komundilo, noinima yetu aishe ya fimana oya ninga onduba yomakuma.

2 SAMUEL 1:19

“Akutu Israel, ovo va li efimano loye va dipaelwa koikulundudu yoye! Ongahelipi ovaladi va wila po!

1 SAMUEL 4:21

ndelenee okwa luka okaana okalume Ikabod ndele ta ti: “Efimano laIsrael la xula po!” Ye a diladila okwiiwa nako kwoshikefa shaKalunga naxemweno nomulumenhu waye.

OMAIMBILOKEMO 2:17

Omwene okwa shakenifa eshi Ye e shi nuninine. Ondjovo yaye okwe i wanifa, ei Ye e i tongele pomafiku onalenale; okwe shi ngumauna po ke nonghenda, nomutondadi okwe mu hafifa molwoye, nokwa yelulila pombada oluvinga lomunaita naave.

HESEKIEL 19:12

Ndelenee wa dudwa mo moupyuhandu, nowa dengwa poshi, nomhepo yokoushilo oya kukutifa oiimati yao. Oshitai sha pama, sha xwikwa po komundilo.

1 SAMUEL 4:22

Ndele okwa tya: “Efimano laIsrael la xula, osheshi oshikefa shaKalunga sha iwa nasho.”

OMAPSALOME 89:45

Omafiku ounyasha waye owe a xupipika, owe mu tuvika nelengwa nodino. Sela

JEREMIA 30:14

Ovaholike voye aveshe ove ku dimbwa. Vo itave ku pula vali. Osheshi Ame onde ku denga ngaashi omutondadi ta dengwa nehandukilo lidjuu, osheshi okunyona kwoye okunene nomatimba oye omahapu.

OMAIMBILOKEMO 1:12

Nye amushe ovo hamu ende nondjila, itashi mu kumu? Taleni mu tale, ngeenge pe nouyehame u fike pouyehame ou wange, nde u humbatekwa, muwo Omwene a nyikifa nge oluhodi mefiku loupyuhandu waye?

OMAIMBILOKEMO 4:11

Omwene okwa wanifa oupyuhandu waye nokwa tilashi ehanyo lehandu laye, ndele a temena muSion omundilo, oo wa lungwinifa po omikangha dasho.

HESEKIEL 13:13

Onghee hano, Omwene Kalunga ta ti ngaha: “Ame mehandu lange handi tumu oshikungulu, nodula inene yetilashi tai ke uya mehandu lange neemhawe moupyuhandu wange okuteyaula po shekesheke.