OMAIMBILOKEMO 1:9 - Ombibeli Iyapuki

⁹ Onyata yasho ya kanyatela kominghulo doshikutu shasho. Sha kala inashi dimbulukwa exulilo lasho nande, onghee sha hangika kenyonauko likumwifa. Sho shihe nomuhekeleki. Ota ti: “Omwene, tala oluhepo lange, osheshi omunaita naame ota fulalala.”

OMAIMBILOKEMO 1:9 Referans Kwoze

DEUTERONOMION 32:29

Vo ngeno ovanaendunge, ngeno ve shi shiiva, vo va diladile exulilo lavo.

JESAJA 47:7

ndele wa tya: Ame ohandi ka kala alushe omupangeli, nongaashi ino i lipulapula momutima woye, noino diladila exulilo loye.

OMAIMBILOKEMO 1:17

Sion ta yelulile ko omake aye, ye ke nomuhekeleki. Omwene okwa shivila Jakob ovatondi vaye keembinga adishe. Jerusalem osha ninga oixuna yongaho mokati kovanamwenyo.

OMUUDIFI 4:1

Ame nda tala ehepeko alishe tali ningwa koshi yetango, ndele tala, opa li omahodi ovahepekwa, ndelenee vo vehe na nande omuhekeleki. Ndele kombinga yovahepeki opa li eenghonopangelo, ndelenee venya va li vehe nomuhekeleki.

OMAPSALOME 25:18

Tala omupya wange, noshiponga shange, u dimine nge po omatimba ange aeshe.

SEFANIA 2:10

Osho otave shi ningilwa omolwelinenepeko lavo, osheshi ova sheka nova kala tava shishimana ovanhu vOmwene womatanga ovakwaita.

JEREMIA 48:26

Mu kolwifeni, ye a kolwe, osheshi ye okwe linenepekela Omwene, opo Moab a alangatele meenghungo daye mwene, naye yo a ninge oiyolifa.

JEREMIA 2:34

Nomeenyemba doshikutu shoye omwa monika ohonde yovafyoona va dipawa inava nyona sha. Ove ino va hanga tava fe eumbo loye, ndelenee nande ngaha.

JESAJA 3:8

Osheshi Jerusalem otashi ngumunwa po, naJuda otashi teka po, osheshi elaka lavo noilonga yavo i nondubo nOmwene, nova shinda oshipala shoshinge shaye.

OMAPSALOME 119:153

Tala oluhepo lange, Ove xupife nge. Osheshi omhango yoye inandi i dimbwa.

1 PETRUS 4:17

Osheshi efimbo la fika, etokolo li hovele meumbo laKalunga; hano ngeenge tali hovele mufye, opo nee exulilo laavenya ihava dulika kevaengeli laKalunga, otali kala la tya ngahelipi?

JOHANNES 11:19

NOvajuda vahapu ve uya kuMarta naMaria ve va pendule shaashi va filwa omumwaina.

HOSEA 2:14

Onghee tala, ohandi ke mu heka, ndi mu twale mofuka ndi mu hekeleke momutima.

OMAIMBILOKEMO 4:1

Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe!

OMAIMBILOKEMO 2:13

Oundobwedi ulipi ame ndi ku etele ndele handi dulu oku ku faafanifa nashike, oove Jerusalem? Ohandi ke ku faafanifa nashike, ame ndi dule oku ku hekeleka, oove okakadona, omona waSion? Osheshi enyonauko loye olinene li fike pefuta, kape na ou ta dulu oku ku velula?

OMAIMBILOKEMO 1:21

Vo ova uda okukema kwange. Nghi nomuhekeleki. Ovatondadi vange aveshe ova uda omupya wange; vo otava hafe, eshi Ove we shi ninga. Efiku olo we li nunina otali uya, mulo vo otava ka fa nge,

JEREMIA 50:29

Shivileni Babilon, ovaumbi, ava va lukila omauta. Ongeni eenhanda mu shi dingilile, nande aha mone omhito okuya onhapo. Shi handukileni nehandu li fike pokunyona kwasho. Ngaashi sha ninga, osho shi ningileni yo, osheshi sho osha twa ondubo nOmwene, Omuyapuki waIsrael.

JEREMIA 16:7

Ndele kape na ou te va tukulile omungome weefya, va hekelekwe moluhodi lavo molwonakufya, ngaashi kape na ou te va nwefa eholo lehekeleko molwaxe ile ina.

JEREMIA 13:27

Okuteya kwoye kwehombo nohole yoye yoipala noixuna yoye yoluhaelo loye kombada yoikulundudu yomoixwa, onde i mona. Woo oove Jerusalem! Ku na apa to koshoka. Tapa piti efimbo li fike peni natango, to ka koshoka?

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

JESAJA 54:11

Omufininikwa oove, omutewatewi koshikungulu, uhe nehekeleko! Tala, onda hala okutunga omikangha doye nomamanya taa vema, omakuma oye ohandi a tungile omasafir;

JESAJA 40:2

Popyeni nombili naJerusalem, nye mu mu lalekidile, nokutya olwoodi laye ola kuka, noshikolo shaye osha futwa, osheshi ye okwa pewa luvali keke lOmwene omolwomanyonauno aye.”

JESAJA 37:29

Osheshi ove wa tukulukila nge, nokuhola ounhwa kwoye okwa fika momatwi ange, hano onda hala ndi xwekele ondjolo meyulu loye, noshitomo mokanya koye nohandi ku shunifile nondjila ei we uyile nayo.’

JESAJA 37:23

Olyelye ou ove we mu dina nowe mu tuka, nondaka yoye owe i yelulila lyelye? Omesho oye owe a dakamena melituleko kOmuyapuki waIsrael.

JESAJA 37:17

Akutu Omwene, ameka okutwi kwoye, Ove u ude ko; pashula omesho oye, Omwene, Ove u tale. Pwilikina eendjovo daSanheerib adishe e di tumina okusheka Kalunga omunamwenyo.

JESAJA 37:4

Pamwe Omwene Kalunga koye ta udu eendjovo daRabsake, ou a tumwa komwene waye, ohamba yaAsiria, e mu tuma okusheka Kalunga omunamwenyo, ndele te mu handukilile eendjovo odo Kalunga koye e di uda. Ndele ove yelula eindilo molwoshixupe osho shi li po natango.”

OMAPSALOME 140:8

Omwene, ino itavela oihalwa yovakolokoshi, ino efa ekondjelo lavo lii li ninge elao. Sela

NEHEMIA 9:32

“Hano paife Kalunga ketu, munene, omunamapangelo, Kalunga onakutilika, ou ho diinine ehangano loye nouwanghenda woye: oupyakadi oo aushe, uhe u tale oo unini, we tu hanga ko neehamba detu novakulunhu vetu novapristeli vetu novaxunganeki vetu, ootate novanhu voye aveshe, okudja komafimbo eehamba daAsiria fiyo okefiku eli.

2 EEHAMBA 14:26

Osheshi Omwene a mona oluhepo linene nolilula laIsrael, nhumbi aveshe va pwa mo, ndelenee Israel sha li shihe nomukwafi.

2 SAMUEL 16:12

Kashiimba Omwene wange ta ka tala oluhepo lange nOmwene ta ka alulila nge ouwa omolwetukano tali hange nge nena.”

1 SAMUEL 1:11

Ndele ye okwa udaneka eudaneko ndele ta ti: “Omwene womatanga ovakwaita, Ove ngeenge to tale oluhepo lomupiya woye omukainhu, ndele to dimbulukwa nge, ndele ito dimbwa omupiya woye omukainhu, ndele to yandje komupiya woye omukainhu okaana okalume, opo nee ame ohandi ke ka yandja kOmwene ka ninge kOmwene omafiku aeshe omokukala kwako. Noshimbi itashi ke uya komutwe wako.”

DEUTERONOMION 32:27

Ame ngeno inandi angala okuhandukifwa komutondadi, ovatondadi vavo ngeno va pilikile eendjovo va tye: Eke letu la yeluka nOmwene ina ninga sha mwaashishe eshi.’

DEUTERONOMION 26:7

Opo nee fye twa kuwa kOmwene Kalunga kootate, nOmwene okwe tu uda nokwa tala oluhepo letu noupyakadi wetu nokufininikwa kwetu;

EXODUS 4:31

Novanhu va itavela. Ndele vo eshi va uda nokutya, Omwene okwa dimbulukwa Ovaisraeli nokwa mona oudjuu wavo, vo ove linyongamena nokutwa oipala yavo poshi.

EXODUS 3:17

Onghee hano onda tokola mwaame kutya: ‘Ame onda hala oku mu pitifa mo moudjuu womuEgipiti noku mu twala medu lOvakaanan nolOvaheti nolOvaamori nolOvaperesi nolOvahevi nolOvajebusi, moshilongo shi yadi omashini nomaadi eenyiki.’

EXODUS 3:7

NOmwene ta ti: “Ame onda mona okuhepekwa kwoshiwana shange, eshi shi li muEgipiti. Naame onda uda onghuwo yavo omolwovafininiki, heeno, ondi wete oudjuu wavo.

OMAPSALOME 69:21

Ahowe, ova pa nge nokuli, ndi lye onyango, naashi nda fya enota, ova pa nge ndi nwe oshinuwa shilula.

JESAJA 51:19

Oinima ei ivali oye ku hanga; olyelye te ku kenukile? Ehanauno neteyaulo, ondjala neongamukonda; ohandi dulu ngahelipi oku ku hekeleka?

OMAIMBILOKEMO 5:1

Akutu Omwene, dimbulukwa eshi twa ningwa; tala, Ove u mone okudinwa kwetu.