OMAIMBILOKEMO 1:8 - Ombibeli Iyapuki

⁸ Jerusalem osha nyona, sha kaulonyanga, onghee sha ninga oshitondwa. Ovatumbaleki vasho aveshe ohave shi dini paife, eshi ve wete shi li hamunghele. Ndele shoovene ohashi hefaana sha pilamena ko.

OMAIMBILOKEMO 1:8 Referans Kwoze

OMAIMBILOKEMO 1:11

Oonakukalamo musho aveshe ohava kongo omungome nokweelaela. Eliko lavo ove li yandja va mone eendja, va fudife ondjala yavo. Ota ti: “Tala, Omwene, nokudimbulukwa nhumbi nda ninga omudinwa!”

JEREMIA 13:26

Onghee hano naame yo handi yelula omudjalo woye komesho opo u monike epenge.

JEREMIA 13:22

Ndele ngeenge ho lipopile momwenyo woye to ti: oinima i fike apa oya hangela nge shike? Molwomanyonauno oye eenyemba doshikutu shoye oda xumwa noififinwa yeemhadi doye oya monika.

EHOLOLO 3:18

Ohandi ku pe eendunge, u lande kwaame oshingoldo sha yelifwa momundilo, u punapale, noikutu yoye itoka u i djale, opo ohoni youhamunghele woye iha monike, omaadi omesho, u vaeke omesho oye u mone ko.

HOSEA 2:10

Paife ohandi ka holola ohoni yaye moipafi yovaholike vaye, ndele kape na ou te mu xupifa meke lange.

HOSEA 2:3

opo ndihe mu dule a kale hamunghele, opo ndihe mu tule po ngaashi a li mefiku lokudalwa kwaye, ndele aha ningwe ngaashi ombuwa, heeno, ndihe mu ninge ngaashi edu la kukuta nondi mu efe a fyenota.

HESEKIEL 23:46

Osheshi Omwene Kalunga ta ti ngaha: “Vo nava shivilwe oshiongalele shovanhu, ndele vo nave lihanifwe nokuhanaunwa po.

HESEKIEL 23:29

Ndele vo otave ke ku monifa oixuna ndele tava kufa po oinima yoye aishe ndele tave ku efa u li hamunghele nolutu longaho, opo ohoni yoye youkainhu, we u longifa moluhaelo, i holoke. Heeno oififahoni, nokuhaelwa kwoye.

OMAIMBILOKEMO 4:21

Hafa nokunyakukwa, oove omona okakadona Edom, to kala moshilongo shaUs! Eholo otali ke ku hanga yo. Ove oto ka kolwa ndele to ka kala hamuhele.

OMAIMBILOKEMO 2:10

Ovakulunhu vomona okakadona kaSion va kala omutumba poshi, va mwena. Komitwe davo ove lifundila ondwi yedu, vo ova djala eeshako. Oukadona vomuJerusalem ova nyongameka omitwe davo pedu.

JEREMIA 34:17

Onghee hano Omwene ota ti ngaha: Nye omwa kala inamu uda nge ndele inamu ingidila keshe umwe komumwaina nokomukwao emangululo. Tala, ohandi mu ingidile emanguluko. Omwene osho ta ti, mu yandjelwe eongamukonda noudu wolutapo nondjala, nohandi mu ningi oshitilifa shomoilongo aishe yokombada yedu.

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

JEREMIA 15:4

Ame onda hala ndi va ninge oshihalukifo shoixuna koilongo aishe yomounyuni, omolwaManasse yaHiskia, ohamba yaJuda, molwaasho ashishe ye e shi ningila muJerusalem.

JEREMIA 6:28

Aveshe ovanandubo ve dule ovanandubo vamwe. Ve hole omalundilo. Vo oshikushu noivela, aveshe va nyonauka.

JEREMIA 4:31

Osheshi Ame onda uda okukema kwaumwe ngaashi okukema kwomufetwa, onghuwo ya fa yomunhu ta fetelwa oshiveli shaye, omona okakadona Sion ota lili mokule ndele te lihepeke nokukema. Omaoko aye otaa twala pombada nokwiilikana: Woo ame! Omwenyo wange tau pu mo kovadipai.

JESAJA 47:3

Uvukulula ohoni yoye, heeno, noukainhu woye tau ka monika. Ame ohandi ka xwenena, ndele ihandi ka fila nande omunhu onghenda.

1 EEHAMBA 9:9

Opo nee tava ka nyamukula: ‘Omolwaashi ve liteeka Omwene, Kalunga kooxe, ou e va pitifa mo medu laEgipiti, ndele va ama koikalunga imwe noku i linyongamena; onghee hano Omwene okwe va tumina omupya ou.’ ”

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

1 EEHAMBA 9:7

opo nee Ame ohandi ka halakanifa Ovaisraeli medu lavo, nde li va pa, nongulu oyo Ame nde i yapulila edina lange, Ame ohandi ke i ekelashi koshipala shange, opo Israel tashi ka ninga oshitevo neimbilo lesheko mokati koiwana aishe.

GENESIS 3:7

Opo nee omesho avo aveshe vavali a pashuka, ndele vo ove liwete ve li hamunghele. Ndele vo ova hondjela kumwe omafo omukwiyu, ndele tave liningile omateta.

OMAIMBILOKEMO 1:17

Sion ta yelulile ko omake aye, ye ke nomuhekeleki. Omwene okwa shivila Jakob ovatondi vaye keembinga adishe. Jerusalem osha ninga oixuna yongaho mokati kovanamwenyo.

1 EEHAMBA 9:6

Ndelenee ngeenge tamu liteeka nge ndele itamu diinine oipango neenghedimhango odo nde di mu pa, ndele tamu fimaneke oikalunga noku i linyongamena,

JEREMIA 32:23

Ndelenee vo eshi ve uya mo nove li nangala, inava pwilikina ondaka yoye noinava shikula omhango yoye, nongaashi inava wanifa ei aishe we va lombwela ve i wanife. Onghee wa efa va hangike komupya ou aushe.

HESEKIEL 39:23

Noiwana tai ka shiiva nokutya, eumbo laIsrael la twalwa moupika omolwoulunde walo, shaashi ve liteeka nge, ndele Ame nda holeka oshipala shange kuvo ndele nde va yandja momake ovatondi vavo, opo vo aveshe va fya keongamukonda.