OMAIMBILOKEMO 1:7 - Ombibeli Iyapuki

⁷ Pomafiku oupongo washo nomowike washo Jerusalem otashi dimbulukwa oupuna washo aushe, ou sha li shi kwete okudja kefimbo lonalenale. Ovanhu vasho eshi ve liyandja momake ovatondi vavo, ove shi tala tave shi yolo molwomupya washo.

OMAIMBILOKEMO 1:7 Referans Kwoze

OMAPSALOME 79:4

Otwa ninga oiyolifa yovashiinda vetu, otwa ninga ovashekwa, hatu tukaelwa koilongo, ei ya shaama nafye.

OMAPSALOME 42:4

Mokudimbulukwa oinima ya pita, ohandi tileshi omwenyo wange; onda li handi ende mosheendo shongudu inene, hatu i nayo kongulu yaKalunga, twa hafa hatu imbi nokupandula mengafifi loshivilo.

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 15:17

Opo nee e lialuluka, ndele ta ti: ‘Ovapiya vatate vahapu ve fike peni ve noikulya ya wana, ndele ame ohandi fi ondjala.

MIKA 4:11

Ndele paife oiwana ihapu tai ku hangakene, ei tai ti: “Nashi nyatekwe. Omesho etu naa tale nokuhafela Sion!”

HOSEA 2:7

Ndele ye ota ka lambalala ovaholike vaye, ndelenee ye ite va hange ko. Ndele ye ote va kongo, ndele ite va mono. Opo nee ye ota ka tya: “Ame nda hala okwaalukila komulumenhu wange wonale, osheshi okukala kwange kwomafiku enya kwa li ku dule kwopaife.”

OMAIMBILOKEMO 4:17

Omesho etu otaa loloka oshimha mokuteelela ekwafo letu. Monhele yetu yepashukilo ohatu tale nokuteelela oshiwana eshi itashi ka kwafa.

JEREMIA 37:7

Omwene Kalunga kaIsrael ota ti ngaha: Lombweleni hano ohamba yaJuda, oyo ye mu tuma kwaame mu pule nge, mu tye: Tala, oita yaFarao, ya dile kedu lavo oku mu kwafa, otai ka shuna kedu laye, Egipiti,

OMAPSALOME 77:3

Ngeenge handi diladila Kalunga, otashi kemifa nge, ngeenge handi shipaashipa, otashi fifa omhepo yange ounye. Sela

JOB 29:2

“Akutu, ngeno ndi kale ngaashi nda li meehani doshito nale, ngaashi pomafiku enya Kalunga kwa li ta amene nge,

JESAJA 64:11

Otembeli yetu iyapuki noya fimana, omo ootate ve ku hambelelela mo, oya lungwina komundilo, noinima yetu aishe ya fimana oya ninga onduba yomakuma.

JEREMIA 48:27

Ile ove ino yola Israel? Ile okwa hangikile vati mokati kovalunga, eshi ho mu popi keshe efiku, ndele to mu pukapukile komutwe ndele to mu dini?

JESAJA 64:10

Oilando yoye iyapuki oya ninga omaputu, Sion osha ninga eputu, Jerusalem osha ninga omuulu.

HESEKIEL 25:3

Ndele lombwela Ovaammoni: Udeni ondjovo yOmwene Kalunga. Omwene Kalunga ta ti ngaha: Ove eshi wa tile: Hambaa! Hambaa! Molwotembeli yange, yo eshi ya shekifwa nomolwoshilongo shaIsrael, sho eshi sha tokekwa, nomolwepata laJuda, vo eshi va ya moupika;

HESEKIEL 25:6

Osheshi Omwene Kalunga ota ti ngaha: “Nye eshi mwa pandula nokudenga omake nokututulifa eemhadi, ndele mwa hafela oshilongo shaIsrael nomwenyo u yadi odino.