OMAIMBILOKEMO 1:21 - Ombibeli Iyapuki

²¹ Vo ova uda okukema kwange. Nghi nomuhekeleki. Ovatondadi vange aveshe ova uda omupya wange; vo otava hafe, eshi Ove we shi ninga. Efiku olo we li nunina otali uya, mulo vo otava ka fa nge,

OMAIMBILOKEMO 1:21 Referans Kwoze

OMAIMBILOKEMO 1:8

Jerusalem osha nyona, sha kaulonyanga, onghee sha ninga oshitondwa. Ovatumbaleki vasho aveshe ohave shi dini paife, eshi ve wete shi li hamunghele. Ndele shoovene ohashi hefaana sha pilamena ko.

OMAIMBILOKEMO 2:15

Aveshe ava hava ende nondjila, ohava pandula nomake molwoye, tava shiki omwilwa, ndele tava pukapuka komitwe molwomona okakadona Jerusalem: “Oshilando osho tuu osho ve shi tile: sha wanenena mewapalo, osho ehafo ledu alishe?”

OMAIMBILOKEMO 1:22

opo nee owii wavo aushe tau holoka koshipala shoye. Ndele Ove va ningila ngaashi wa ningila nge omolwomatauluko ange aeshe, osheshi omakemo ange omahapu nomutima wange otau vele.

OMAIMBILOKEMO 1:16

Onghee hano ame ohandi lili, eisho lange, meisho lange tamu tondoka omeva, osheshi omuhekeleki wange a kala nge kokule a hekeleke nge. Ovamwange ova halakanifwa po, osheshi omutondadi a dula nge.

JEREMIA 50:11

Heeno, nyakukweni hano heeno, hafeni, onye ovaxuuli vefyuululo lange, heeno, nhukeni nokuhafa, ngaashi ondema tai xu moshipale, nye mu kwene ngaashi eenghambe eemhedi.

OMAPSALOME 35:15

Ndele paife, ame eshi nda punduka, otashi va hafifa, ndele tave liongelele nge, ve lipaka kumwe ngaashi ovakalakali ava ndihe va shii, navo otava shashaula nge, itava fuda po nande.

OMAIMBILOKEMO 1:4

Eendjila dokuSion oda nyika oluhodi, osheshi kape novauyi tave uya koshivilo. Omivelo dasho adishe da tokekwa, ovapristeli vasho hava keme noukadona vasho va nyika oluhodi, nasho vene shi udite oululu.

OMAIMBILOKEMO 1:2

Ohashi lili nokulililila oufiku, omahodi ohaa pololoka keemhanda dasho. Mokati kovaholike vasho aveshe kashi nomuhekeleki. Ookaume vasho aveshe va kala nasho, ovalungameni novatondadi vasho.

JEREMIA 51:24

Ndelenee omoipafi yeni ohandi ka alulila Babilon noonakukalamo aveshe muKaldea owii oo aushe ve u longa muSion, Omwene osho ta ti.

EHOLOLO 18:6

Shi ningileni ngaashi sho she mu ningila yo, nye mu shi wedele luvali shi fike poilonga yasho. Meholo eli sha tila mo, shi tilileni mo luvali.

JOEL 3:14

Eemhunga, eemhunga mefilu letokolo. Osheshi efiku lOmwene oli li popepi mefilu letokolo.

HESEKIEL 26:2

“Kaana komunhu, Tirus a popya mokusheka Jerusalem, eshi a tile: ‘Hambaa! Hambaa! Oshivelo shoshiwana sha teyaulwa po, osha yeululilwa langhele kwaame. Ame ohandi ke shi yada, eshi sha tokekwa.’

JEREMIA 51:49

Ndele Babilon yo oshi nokuteka po, onye ovadipawa vaIsrael, ngaashi ovo va dipawa omolwaBabilon va wila nedu alishe.

JEREMIA 50:31

Tala, Ame ohandi uya kwoove, omulinenepeki oove, Omwene womatanga ovakwaita, osho ta ti; Osheshi efiku loye ola fika, efimbo loku ku handukila.

JEREMIA 50:29

Shivileni Babilon, ovaumbi, ava va lukila omauta. Ongeni eenhanda mu shi dingilile, nande aha mone omhito okuya onhapo. Shi handukileni nehandu li fike pokunyona kwasho. Ngaashi sha ninga, osho shi ningileni yo, osheshi sho osha twa ondubo nOmwene, Omuyapuki waIsrael.

JEREMIA 50:15

Shi kalukileni eenghalu keembinga adishe. Osha tewa. Eengudi dasho oda teka po neehotekuma dasho da ngumunwa po. Eshi osho ehandu lOmwene. Shi alulileni owii washo, ngaashi sha ninga, osho shi ningileni yo.

JEREMIA 48:27

Ile ove ino yola Israel? Ile okwa hangikile vati mokati kovalunga, eshi ho mu popi keshe efiku, ndele to mu pukapukile komutwe ndele to mu dini?

JEREMIA 30:16

“Onghee hano aveshe ava tave ku li, otava ka liwa po, naaveshe ava tave ku hepeke, otava ka ya moukwatwa, naava ve ku nyeka, navo yo otava ka nyekwa, naaveshe ve ku hakana ohandi ke va yandja oshihakanwa.

OMAPSALOME 38:16

Osheshi onda tya: Ngeno uhe va efe, va lengaife nge, neemhadi dange, ngeenge tadi fenhuka, vo vaha shiive okufulalalela nge.

OMAPSALOME 37:13

ndelenee Omwene ote mu yolo, eshi a mona efiku laye, li li popepi noku mu hanga.

JESAJA 14:5

“Omwene okwa teya po odibo yovadinikalunga nodibo yovapangeli,

JESAJA 14:6

ya denga oilongo noupyuhandu noku i hanauna po, ye i denga pehe nefudo po, ya lyataula ovanhu mehandu noku va hepeka ihe na nande olukeno.

OMAIMBILOKEMO 2:16

Ovatondi voye aveshe otave ku ekamene omakanya avo. Vo otava sheke nokukweshela omayoo ndele tava ti: “Ofye otwe shi pona po, heeno, olo efiku twe li teelela. Fye otwe li hanga, twe li mona nee.”