OMAIMBILOKEMO 1:18 - Ombibeli Iyapuki

¹⁸ Omwene Oye omuyuki, osheshi ame inandi dulika keendjovo daye. Pwilikineni hano oiwana aishe, nye mu tale ouyehame wange. Oukadona vange novamati vange va ya moupika.

OMAIMBILOKEMO 1:18 Referans Kwoze

SEFANIA 3:5

Omwene Oye omuyuki mokati kasho, iha longo sha showii. Ongula keshe Ye ota holola eyukifo laye poluhaela, itali kala inali uya. Ndelenee ovalunde ihava shiiva okufya ohoni.

OMAPSALOME 119:75

Ondi shi shii, Omwene, nokutya omatokolo oye okwa yuka, naashi wa ninipika nge, omolwoudiinini woye.

OMAIMBILOKEMO 1:12

Nye amushe ovo hamu ende nondjila, itashi mu kumu? Taleni mu tale, ngeenge pe nouyehame u fike pouyehame ou wange, nde u humbatekwa, muwo Omwene a nyikifa nge oluhodi mefiku loupyuhandu waye?

JEREMIA 12:1

Omwene, Oove omuyuki, ame ohandi dulu tuu mbela oku ku twifa eemhata? Ndele onda hala ndi ku pule oshili i li peni moinima ei: omolwashike mondjila yovalunde omu nelao? Nomolwashike ovaliteeki aveshe ve li nombili?

OMAIMBILOKEMO 3:42

“Ofye otwa tauluka ndele twa kala tu noita. Ove ino tu dimina po.

OMAPSALOME 107:11

osheshi va li va anya okudulika keendjovo daKalunga, nova dina epukululo laau wOkombadambada,

NEHEMIA 9:33

Ndelenee Ove omuyuki mwaashishe she tu hanga, osheshi Ove wa li omudiininini moilonga yoye, ndelenee fye twa li ovahenakalunga.

OVAROMA 3:19

Ndele fye otu shi shii, ashishe osho omhango tai shi popi, otai shi lombwele ava ve li koshi yomhango, opo okanya keshe ka mutikwe, nounyuni aushe u kale, u netimba koshipala shaKalunga;

OVAROMA 2:5

Ndelenee melikukutiko loye nomokuhelidilulula kwomutima woye, oto lihapupalifile ehandu mefiku lehandu noleholoko liyuki laKalunga,

DANIEL 9:7

Omwene, Oove omuyuki, ndelenee fye ohatu fyohoni ngaashi i li nena eli, heeno, ovalumenhu vomuJuda noonakukalamo muJerusalem, nOvaisraeli aveshe ava vopopepi naavenya vokokule vomoilongo aishe oko we va halakanifa, ohava fyohoni omolweliteeko eshi vo ve ku liteeka.

JEREMIA 49:12

Osheshi Omwene ta ti ngaha: Tala, ava yo va li vehe nokunwa eholo, ove noku li nwa, ndele ove u efiwe uha handukilwe ngeno? Ahowe, ove ito efiwa u kale ino handukilwa, ndelenee u nokunwa mo shili.

OMAPSALOME 145:17

Omwene omuyuki meendjila daye adishe, nomunanghenda mokulonga kwaye akushe.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

ESRA 9:13

Ndele konima yoinima aishe oyo ye uya kombada yetu molwoilonga yetu ii nomolwombedi yetu inene, osheshi Ove Kalunga ketu ino tu valela pawii wetu twe u lilongela, ndele we tu pa natango ovamangululwa vahapu ve fike opo.

1 EEHAMBA 13:21

nokwe mu lombwela pombada nokwiingida komulumenhu winya waKalunga a dile muJuda ndele ta ti: “Omwene ta ti ngaha: ‘Ove eshi wa twa ondubo nokanya kOmwene shaashi ino diinina oshipango shaye, Omwene Kalunga koye e ku lombwela,

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

OVATOKOLIPANGELI 1:7

Opo nee Adoni-Besek ta ti: Eehamba omilongo heyali odo da tetwa ominwe dokomake nominwe dokeemhadi, oda toola oundjaumukile koshi yoshitaafula shange shoshililo. Ngaashi ame nda ningile, osho Kalunga a ningila nge. Ndele ve mu twala kuJerusalem, noko a fila.

DEUTERONOMION 32:4

“Ye emanya; oilonga yaye oya wana ya pwa. Osheshi eendjila daye adishe do omatokolo. Oye Kalunga koudiinini, ndele ehe nowadi. Ye omuyuki nomunashili.

EXODUS 9:27

Opo nee Farao okwa ifana Moses naAron ndele ta ti kuvo: “Ame nda nyona paife. Omwene Ye omuyuki, ndelenee fye novanhu vange tu netimba.

OMAPSALOME 119:137

Omwene Oove omuyuki, nomatokolo oye okwa yuka.

JEREMIA 4:17

Ngaashi ovakeleli vepya tave shi dingilile, osheshi ovo va twa ondubo naame, Omwene osho ta ti.

JEREMIA 32:23

Ndelenee vo eshi ve uya mo nove li nangala, inava pwilikina ondaka yoye noinava shikula omhango yoye, nongaashi inava wanifa ei aishe we va lombwela ve i wanife. Onghee wa efa va hangike komupya ou aushe.

DANIEL 9:5

Ofye otwa nyona, twa ninga eshi inashi yuka, twa kolokosha, ndele twa lundakana, ndele twa yapuka mo moipango yoye nomeenghedimhango doye.

AMOS 8:13

Mefiku tuu olo oukadona vawa novamati tava ka notelwa kenota,

OMAIMBILOKEMO 5:16

Omutumbo wa wa komutwe wetu. Woo fye, eshi twa nyona!

SAKARIA 1:6

Ndelenee eendjovo dange neenghedimhango dange odo nde di lombwelele ovapiya vange ovaxunganeki, inadi hanga ngeno ooxokulu, opo nee ve lidilulula ndele tava ti: Ngaashi Omwene womatanga ovakwaita a diladila oku tu ningila paendjila detu nopailonga yetu, hano osho e tu ningila.”