OMAIMBILOKEMO 1:13 - Ombibeli Iyapuki

¹³ Momakipa ange ye okwa tumina omundilo wa dja pombadambada mokule, ndele ou otau a pangele. Neemhadi dange okwe di yalela eendjadja okwa kandwila nge monima, a tokeka nge nokwa ninga nge omunaudu fiyo alushe.

OMAIMBILOKEMO 1:13 Referans Kwoze

HABAKUK 3:16

Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa.

JOB 30:30

Oshipa shange sha laula, ndele sha ninga omakoko ndele tashi natuka, nomakipa ange a pya kepupyu.

HESEKIEL 17:20

Ndele ondjadja yange ohandi ke i yala kombada yaye, nomelulo lange ta ka kwatwa. Ndele Ame ohandi ke mu twala kuBabilon noko handi ke mu tokola, molweliteeko laye, ye eshi e liteeka nge.

OMAPSALOME 22:14

Onda fa omeva a tilwashi, omakipa ange aeshe a damuka; omutima wange owa ninga ngaashi edi, wa dilukila meni lange.

JOB 19:6

kaleni mu shi shii nokutya, Kalunga a ninga nge nai nokwa dingila nge meendjadja daye, nande ndihe noshipo.

OVAHEBERI 12:29

Osheshi Kalunga ketu Oye omundilo hau lungwinifa.

NAHUM 1:6

Olyelye ta shiiva okukala ofika moipafi youpyuhandu waye? Olyelye ta kalele ehanyo lehandu laye? Exwamo lehandu laye tali ka tilwashi ngaashi omundilo, nomamanya taa topaana koshipala shaye.

HESEKIEL 12:13

Ndele Ame ohandi ka yala eendjadja kombada yaye, ndele ye ota ka kwatwa kelulo lange, ndele Ame ohandi ke mu twala kuBabilon, edu lOvakaldea. Ndelenee ye ite ke li mona, ndele oko ta ka fila.

OMAPSALOME 66:11

Owa efa, tu yulwe keendjadja, nowe tu kuminika oudjuu mudjuu meembuda detu;

2 OVATESSALONIKI 1:8

omomalaka omundilo, fiku ta handukile ava inava shiiva Kalunga noitava dulika kevaengeli lOmwene wetu Jesus.

HOSEA 7:12

Mokuya ko kwavo ohandi yale eendjadja dange kombada yavo, ngaashi eedila dokeulu handi va shilile poshi. Handi va handukile ngaashi eongalo lavo la shiivifilwa.

HESEKIEL 32:3

“Omwene Kalunga ta ti ngaha: Osho hano Ame ohandi ka yala oshiyulifo shange kombada yoye, Ame ngeenge handi ongele oiwana ihapu, ndele yo otai ku kwata noku ku shilila noiyulifo yange.

OMAIMBILOKEMO 5:17

Molwaashi omutima wetu tau vele. Molwaashi omesho etu a laula!

OMAIMBILOKEMO 1:22

opo nee owii wavo aushe tau holoka koshipala shoye. Ndele Ove va ningila ngaashi wa ningila nge omolwomatauluko ange aeshe, osheshi omakemo ange omahapu nomutima wange otau vele.

JEREMIA 44:6

Onghee oupyuhandu wange nehandu lange la tilwa ndele la xwama pombada omoilando yaJuda nomomapandavanda aJerusalem, ndele yo oya shituka omakulukuma nombuwa yongaho, ngaashi i li nonena.”

JESAJA 42:17

Ndelenee ovo have lineekele oihongwafano, ndele hava popi koitelekwafano tava ti: “Onye oikalunga yetu,” tava ka shuna lwanima ndele tava fifwa ohoni.

OMAPSALOME 129:5

Aveshe ava tava tondo Sion, nava fifwe ohoni, vo va shunifwe shanimanima.

OMAPSALOME 35:4

Ava tava kongo omwenyo wange, nava fifwe ohoni va lengaifwe! Naava va dutila nge oshiponga, nava shunifwe shanimanima, nava pembifwe kohoni yavo.

OMAPSALOME 31:10

Osheshi okukalamwenyo kwange otaku pu po moudjuu, nomido dange ometwo lomadima; eenghono dange oda utamekwa kowii wange, nomakipa ange a fa a tukwa.

JOB 18:8

Osheshi eemhadi daye mwene tadi mu twala meendjadja ndele ta ende kombada yekelo.

DEUTERONOMION 28:65

Ndele mokati koiwana ito ka mona etulumuko nande, ndele omhadi yoye itai ka mona onhele yetulumuko. Ndelenee Omwene te ku pe omutima tau kakama, nomesho a ilauka, nomwenyo u noluhodi.

OMAPSALOME 38:8

Onda alamekwa, nda mongoshoka, mokundakula kwomutima wange ohandi kuu pombada.

OMAPSALOME 140:5

Eemhote oda tela nge omwiyo nomalulo meholeko, noiyulifo ohave i dikile nge pomunghulo wondjila ndele tava fele nge omakelo. Sela

EXODUS 12:9

Inave i lya iishu ile ya telekwa momeva, ndelenee ya yofwa komundilo, nomutwe nomakondo nomandjadja e li mo.

OMAIMBILOKEMO 3:11

Oye okwa kandula po eendjila dange nokwa pombaula nge nokwa tokeka nge.