NUMERI 9:5 - Ombibeli Iyapuki

⁵ Ndele vo va dana Opaasa mombuwa yaSinai mefiku etimulongo netine lohani yotete, onguloshi. Naanaa Omwene ngaashi a lombwela Moses, osho ovana vaIsrael va ninga.

NUMERI 9:5 Referans Kwoze

JOSUA 5:10

Ovana vaIsrael fimbo va kala monhanda puGilgal, ova dana Opaasa mefiku etimulongo netine lohani onguloshi, momaluhaela aJeriko.

OVAHEBERI 11:8

Meitavelo Abraham eshi a ifanwa a tembukile kedu olo te ke li pewa li ninge efyuululo laye, okwa dulika, nokwa dja mo ina shiiva apa ta i.

OVAHEBERI 3:5

Ndele Moses okwa li omudiinini meumbo laye alishe ngaashi omupiya, opo a kale ondobwedi yoipopiwa yokomesho,

OILONGA YOVAYAPOSTOLI 26:19

“Onghee hano, ohamba Agrippa, onda dulika kemoniko olo lomeulu,

JOHANNES 15:14

Onye ookaume kange, ngeenge tamu ningi eshi handi shi mu lombwele.

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

DEUTERONOMION 1:3

Ndele mefiku lotete lohani onhimulongo momudo omutimilongo nhee, Moses okwa lombwela ovana vaIsrael adishe odo Omwene e mu lombwelele okupopya kuvo,

NUMERI 29:40

Ndele Moses okwa lombwela ovana vaIsrael aishe naanaa ngaashi Omwene e mu lombwela.

NUMERI 8:20

Ndele Moses naAron neongalo alishe lovana vaIsrael va ningila Ovalevi naanaa Omwene ngaashi a lombwela Moses mokutonga Ovalevi. Osho hano ovana vaIsrael ve va ningila.

EXODUS 39:42

Naanaa ngaashi Omwene a lombwela Moses osho naanaa ovana vaIsrael va wanifa oshilonga ashishe.

EXODUS 39:32

Osho ngaha hano oilonga aishe yetwali liyapuki nokutya, yetwali leongalo, oya pwa okulongwa; novana vaIsrael ve i ninga naanaa ngaashi Omwene a lombwela Moses. Osho ve i ninga.

GENESIS 7:5

Ndele Noa okwa ninga naanaa ngaashi Omwene e mu lombwela.

GENESIS 6:22

Ndele Noa osho a ninga. Naanaa ngaashi Kalunga a tonga, osho a ninga.

NUMERI 9:4

Opo nee Moses a lombwela ovana vaIsrael, vo ve nokudana Opaasa.

EXODUS 12:50

NOvaisraeli aveshe ve shi ninga; ngaashi Omwene a lombwelele Moses naAron osho va ninga.

NUMERI 1:54

Novana vaIsrael ve shi ninga naanaa Omwene ngaashi a lombwela Moses, osho va ninga.