NUMERI 9:15 - Ombibeli Iyapuki

¹⁵ Ndelenee mefiku tuu olo etwali liyapuki la dikwa, oshilemo sha tuvika etwali liyapuki, ndele onguloshi kombada yetwali londobwedi pa li ngaashi evadimo lomundilo fiyo okongula.

NUMERI 9:15 Referans Kwoze

EXODUS 13:21

NOmwene okwe va kwatela komesho, omutenya moluudi loshilemo okwe va ulikila ondjila, noufiku moluudi lomundilo oku va minikila, opo va shiive okweenda omutenya noufiku.

EXODUS 40:34

Opo nee oshilemo sha tuvika etwali leongalo nefimano lOmwene la yadifa etwali liyapuki,

OMAPSALOME 78:14

Omutenya okwe va endifa moshilemo, noufiku aushe onomutemo womundilo.

NEHEMIA 9:19

Ove omolwefilonghenda loye linene ino va efa mombuwa. Oluudi loshilemo inali kanduka po puvo omutenya, le va endifa nondjila, noluudi lomundilo yo oufiku le va minikilila ondjila vo va li ve nokweenda nayo.

1 OVAKORINTO 10:1

Ovamwatate, inandi hala mu kale muhe shi shii, ootatekulu aveshe va kala koshi yoshilemo, naaveshe va pitila mefuta

JESAJA 4:5

Opo nee Omwene ota shiti oshilemo shokukala omutenya konhele oko ku nomhunda yaSion nokombada yeengudu dayo da ongala koshivilo nomwifi kumwe nouyelele womundilo wa tema pombada oufiku, osheshi kombada yoshinge ashishe tapu ka kala eameno.

OMAPSALOME 105:39

Ye okwe va uvikila noshilemo ngaashi onhanga, nomundilo wokuminikila oufiku;

NEHEMIA 9:12

Ndele we va kwatela komesho omutenya moluudi loshilemo ndele oufiku moluudi lomundilo u va minikilile ondjila nayo va li ve nokweenda.

NUMERI 14:14

ndele ve shi tongela oonakukalamo moshilongo eshi. Venya ova uda nokutya, Ove Omwene u li mokati koshiwana eshi, osheshi Ove Omwene we liholola moipafi yavo. Noshilemo shoye tashi kala kombada yavo, ndele Ove ho va kwatele komesho moluudi loshilemo momutenya nomoluudi lomundilo oufiku.

EXODUS 40:38

Osheshi momutenya oshilemo shOmwene sha kala kombada yetwali liyapuki nomoufiku omundilo wa kala ko, moipafi yeumbo alishe lOvaisraeli noweenda wavo aushe.

EXODUS 40:2

“Nye mu nokudika etwali leongalo mefiku lotete lohani yotete.

EXODUS 14:24

Ndele menangelo longula, Omwene okwa vandamena moluudi lomundilo noloshilemo, Ye a tala etanga lovakwaita Ovaegipiti nokwa dongakanifa etanga lovakwaita Ovaegipiti.

EXODUS 13:22

Oluudi loshilemo inali kanduka po momutenya, noluudi lomundilo inali kanduka po oufiku momesho avo.

NUMERI 10:34

Noshilemo shOmwene osha kala kombada yavo, vo eshi va tembuka po ponhanda.

NUMERI 17:7

Ndele Moses okwa twala eenhaili koshipala shOmwene metwali londobwedi.

DEUTERONOMION 1:33

ou e mu tetekelela nondjila oku mu kongela onhele yokwoonga onhanda yeni, oufiku momundilo opo mu mone ondjila tamu ende nayo, nomomutenya moshilemo.

EXODUS 40:35

onghee Moses a nyengwa okuya mo metwali, shaashi oshilemo sha kala kombada yalo nefimano lOmwene la yadifa etwali liyapuki.