NUMERI 9:13 - Ombibeli Iyapuki

¹³ Ndelenee omulumenhu ou a yela ndele ke li moweenda ndee ta anye okudana Opaasa, na dimwe mo moshiwana shavo. Osheshi ye ina etela Omwene eyambo mefimbo la pangelwa. Omulumenhu ou ye e nokuhumbata etimba laye.

NUMERI 9:13 Referans Kwoze

EXODUS 12:15

Momafiku aheyali mu nokulya omingome dihe nonhafi. Mefiku lotete nokuli mu nokweekelashi momaumbo eni olumbololo lomungome li nonhafi. Osheshi keshe ou ta li omungome u nonhafi mefiku lotete fiyo okefiku etihamano, omwenyo ou u nokunyonwa po muIsrael.

GENESIS 17:14

Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”

NUMERI 9:7

novalumenhu ve mu lombwela: “Fye twe linyateka koshimhu shomunhu. Omolwashike fye hatu kelelwa okweetela Omwene eyambo mefimbo la pangelwa mokati kovana vaIsrael?”

OVAHEBERI 12:25

Taleni hano, muha kandule po ou ta popi, osheshi ngeenge venya va kandula po ou a holola ehalo laKalunga kombada yedu, va nyengwa okuya onhapo, unene tuu fye, ngeenge hatu pilamene ou te li holola e li meulu.

OVAHEBERI 9:28

osho tuu naKristus yo, eshi a yandjelwe lumwe aluke eyambo a kufe po omatimba avahapu, ta ka holoka olutivali ehe netimba kwaava have mu teelele, va mone exupifo.

OVAHEBERI 6:6

ndele ova efa, otava ka nyengwa okulidilulula vali, osheshi otave livalelele vali Omona waKalunga komushiyakano noku mu shekifa.

OVAHEBERI 2:3

hano fye ohatu i ngahelipi onhapo, ngeenge hatu dini exupifo linene li fike apa, la udifwa tete kOmwene ndele la pamekwa kwaava ve li uda, ndele tave li fikifa kufye,

HESEKIEL 23:49

Ndele vo otava ka efela kombada yeni oififahoni yeni, ndele nye otamu ka humbata omatimba oikalunga yeni, ndele tamu ka shiiva nokutya,” Aame Omwene Kalunga.

NUMERI 19:13

Keshe umwe ta kumu omufi nokutya, oshimhu shomunhu, ndele ite lifetifa, ye ota nyateke etwali lOmwene, ndele ye na dimwe mo muIsrael, osheshi ina shaminwa nomalifetifomeva. Ye ina yela, nonyata yaye tai ka kala muye.

NUMERI 5:31

Nomulumenhu ota ka kala nowino, ndelenee omwalikadi ou e nokuhumbata etimba laye.”

LEVITIKUS 20:20

Nomulumenhu ngeenge ta nangala nomumwaina waxe, ye okwa dula mo eteta lomumwaina waxe. Vo ove nokuhumbata etimba lavo. Vo ve nokufya vehe noludalo.

LEVITIKUS 17:10

“Ndele keshe umwe womeumbo laIsrael ile womovanailongo tava kala mokati keni, ta li ohonde keshe, heeno, kukeshe ou ha li ohonde, Ame ohandi ke mu taalelifa oshipala shange nehandu noku mu dima mo moshiwana sheni.

LEVITIKUS 17:4

ndele ite i eta poshivelo shetwali leongalo a etele Omwene eyambo molwetwali liyapuki lOmwene, winya e netimba lohonde. Ye a tilashi ohonde, onghee ye e nokudimwa mo moshiwana shaye.

LEVITIKUS 22:9

Onghee hano vo nava diinine eenghedimhango dange, vaha nyone molweeshali diyapuki ndele vaha fye omolwado eshi ve di nyateka. Aame Omwene ou te va yapula.

EXODUS 12:19

Momafiku aheyali muha monike momaumbo eni onhafi yomungome, osheshi keshe ou ta li omungome u nonhafi na nyonwe mo moshiwana shaIsrael, ngeenge omunailongo ile omudalelwa mo.

EXODUS 12:47

Eongalo alishe laIsrael li noku i fimaneka.

EXODUS 30:33

Keshe umwe ou te liningile sha sha fa omaadi aa ile ta vaeke omunhu, e nokudimwa mo muvakwao.”

EXODUS 30:38

Keshe umwe ou te liningile sha sha fa omaadi aa e a twimine, e nokudimwa mo muvakwao.”

LEVITIKUS 24:15

Novana vaIsrael va lombwela u tye: “Umwe ngeenge ta tuku Kalunga kaye, ta ka humbata etimba laye.

NUMERI 19:20

Ndelenee umwe ngeenge te linyateke, ndele ite lifetifa, opo nee omwenyo ou u nokudimwa mo meongalo, osheshi ye okwa nyateka etwali liyapuki lOmwene. Omalifetifomeva inae mu tililwa, onghee hano ye ina yela.