NUMERI 8:17 - Ombibeli Iyapuki

¹⁷ Shaashi oiveli aishe yovana vaIsrael noyoimuna oyange. Ame nde i liyapulila mefiku linya Ame nda dipaa oiveli yomoshilongo shaEgipiti.

NUMERI 8:17 Referans Kwoze

EXODUS 13:2

“Yapulile nge oiveli aishe. Keshe umwe womOvaisraeli ta yeulula oshidalelo shaina, ngeenge omunhu ile oshimuna, sho oshange.”

LUKAS 2:23

ongaashi sha shangwa momhango yOmwene: Okalume keshe taka yeulula oshidalelo shaina naka yapulilwe Omwene,

JAKOB 1:18

Oye e tu dala kondjovo yoshili opahalo laye, opo tu kale ovatete voishitwa yaye.

OVAHEBERI 11:28

Meitavelo okwa dika po Opaasa neshamino lohonde, omudipai woiveli opo aha kume kuvo.

OVAHEBERI 10:29

hano otamu ti ngahelipi ehandu olo tali kala li fike peni kwaau ta lyata nomhadi Omona waKalunga nota dini ohonde yehangano, omo a yapulilwa mo ndele ta sheke Omhepo yefilonghenda?

JOHANNES 17:19

Ndele Ame ohandi liyapula molwavo, vo va yapulilwe moshili.

JOHANNES 10:36

nena otamu ti ngahelipi kwaau, Xe e mu yapula nokwe mu tuma mounyuni: to sheke, shaashi nda tya: Aame Omona waKalunga?

HESEKIEL 20:12

Nomashabata ange, Ame nde e va pa, a ninge edidiliko pokati ketu navo, opo va shiive nokutya, Aame Omwene ohandi va yapula.

OMAPSALOME 135:8

Oye tuu okwa dengele oiveli muEgipiti, ei yovanhu noyoimuna,

OMAPSALOME 105:36

Opo vali okwa dipaifa oiveli aishe moshilongo, oiveli yeenghono davo aishe,

OMAPSALOME 78:51

okwa dipaifile oiveli aishe yomuEgipiti, oiveli oyo yeenghono davo momatwali aHam.

NUMERI 3:13

Osheshi oiveli aishe oyange. Mefiku tuu linya Ame nda dipaa po oiveli aishe medu laEgipiti Ame nde liyapulila oiveli aishe yomuIsrael, yovanhu noyoimuna. Vo ve nokukala vange, Aame Omwene.”

LEVITIKUS 27:26

“Ndelenee oiveli yoimuna oyOmwene ngaashi oiveli oyaye mwene, nande umwe e i yapule, osho ngeenge ongobe ile odi, osheshi shOmwene.

EXODUS 29:44

Osho ngaha hano Ame ohandi ka yapula etwali leongalo noaltari. NaAron novana vaye ovamati Ame ohandi ke va yapula yo, opo va yakule nge moshilonga shoupristeli.

EXODUS 12:29

Ndele pokati koufiku Omwene okwa dipaa oiveli aishe moshilongo shaEgipiti, tete oshiveli shaFarao, ou a kala omutumba kolukalwapangelo fiyo oshiveli shonghwate, ya kala modolongo, noiveli aishe yoinamwenyo.

NUMERI 8:18

Ndele Ovalevi Ame nde va kufa ponhele yoiveli aishe yovana vaIsrael,