NUMERI 6:9 - Ombibeli Iyapuki

⁹ “Ndele ngeenge pe na ou ta fi ohaluka puye, ndee ta nyateke ngaha omutwe waye wa yapulwa, ye e nokukululifa omutwe waye mefiku letetifo laye, mefiku etiheyali ne u kululife.

NUMERI 6:9 Referans Kwoze

NUMERI 6:18

Opo nee Omunasiri na kululife eexwiki daye dounasiri dokomutwe, ndee ta kufa eexwiki daye dounasiri dokomutwe ndee te di ekele momundilo, ou u li koshi yepanduloyambo.

OILONGA YOVAYAPOSTOLI 18:18

Ndele Paulus eshi a kala ko omafiku, okwa lekela ovamwatate nokwa ya kuSiria pamwe naAkwila naPriskila, ndelenee ye okwe likululifa eexwiki daye dokomutwe muKenkrea, osheshi ye a hangika a ninga eudaneko.

LEVITIKUS 14:9

Nomefiku etiheyali e nokukulula eexwiki adishe, eexwiki dokomutwe neendjedi neefeleisho, heeno, eexwiki daye adishe, ndele ye e nokukosha oikutu yaye, nolutu laye e noku li kosha momeva. Opo nee ye ta ka kala a yela.

OILONGA YOVAYAPOSTOLI 21:27

Ndelenee omafiku enya aheyali eshi e li pokuxula po, Ovajuda vomuAsia ove mu mona motembeli, va piyaaneka ongudu aishe yovanhu ndele ve mu kwata,

LEVITIKUS 14:8

Opo nee ou ta fetwa mo e nokukosha oikutu yaye nokukululifa eexwiki dokomutwe nokulikosha. Opo nee ye a yela, ndele ta dulu okuuya monhanda, ndelenee e nokukala omafiku aheyali pondje yetwali laye.

NUMERI 6:8

Omafiku aeshe omounasiri waye ye a yapulilwa Omwene.

DEUTERONOMION 21:12

ove u noku mu eta meumbo loye. Ndele ye e nokukululifa eexwiki dokomutwe waye nokuteta eenyala daye.

HESEKIEL 44:27

Ndele mefiku tuu olo ye ta i motembeli, moluumbo lomeni, a yakule moilonga yomotembeli, ye e nokweeta etimbayambo laye, Omwene Kalunga ta ti.