NUMERI 6:23 - Ombibeli Iyapuki

²³ a lombwele Aron novana vaye ovamati a tye: “Mokunangeka kweni noupuna ovana vaIsrael, va lombweleni mu tye:

NUMERI 6:23 Referans Kwoze

1 OMAFIMBO 23:13

Ovana ovamati vaAmram ovava: Aron naMoses. Ndele Aron novana vaye ovamati va yapulilwa okuyapula oinima iyapuki fiyo alushe, va twimine koshipala shOmwene, ndele ve mu longele, ndele va nangeke noupuna medina laye fiyo alushe.

DEUTERONOMION 21:5

Opo nee ovapristeli, ovana ovamati vaLevi ve nokuuya ko, osheshi Omwene Kalunga koye, e va hoololela oku mu longela noku mu nangeka noupuna medina laye, ndele paendjovo davo detokolo eemhata keshe noshilonga keshe shii tashi tokolwa.

OVAHEBERI 7:1

Osheshi Melkisedek ou, ohamba yaSalem, omupristeli waKalunga wOkombadambada, ou a shakeneka Abraham ndele te mu nangeke noupuna, Abraham eshi a finda eehamba,

GENESIS 48:20

Ndele ye okwe va nangeka noupuna mefiku tuu olo ndele ta ti: “Ovaisraeli nava tumbule edina loye, ngeenge tava nangeke noupuna ndele tava popi tava ti: ‘Kalunga ne ku fefife Efraim naManasse.’ ” Nosho ngaha a tula Efraim komesho yaManasse.

2 JOHANNES 1:3

Efilonghenda nolune nombili yaKalunga Tate noyaJesus Kristus, Omona waXe, tai ka kala pamwe nafye omoshili nomohole.

2 OVAKORINTO 13:14

Efilonghenda lOmwene Jesus Kristus, nohole yaKalunga, noukumwe wOmhepo Iyapuki nau kale pamwe nanye amushe. Amen.

GENESIS 47:7

Opo nee Josef okwa eta mo xe Jakob nokwe mu kaleka koshipala shaFarao. Ndele Jakob okwa nangeka noupuna Farao.

1 PETRUS 1:2

ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye. Efilonghenda nombili nai mu hapupalele.

OVAHEBERI 7:7

Opo kape na nande eemhata nokutya, omunini ota nangekwa noupuna komukulunhu.

1 OVAKORINTO 1:3

Efilonghenda kunye nombili yaKalunga Tate yetu nokOmwene Jesus Kristus.

OVAROMA 1:7

Kovaholike vaKalunga, ovaifanwa vayapuki muRoma. Efilonghenda kunye nombili yaKalunga Tate yetu noyOmwene Jesus Kristus.

JOSUA 8:33

fimbo Ovaisraeli aveshe pamwe novakulunhu vavo novapashukili vavo novatokoli vavo va kala ofika kombinga nombinga yoshikefa, va shaama novapristeli Ovalevi, ovahumbati voshikefa shehangano lOmwene, heeno, omunailongo ngaashi omudalelwamo moshilongo, etata limwe lavo la taalela komhunda yaGerisim, netata likwao la taalela komhunda yaEbal, ngaashi Moses, omupiya wOmwene, a lombwelele shito oshiwana shaIsrael shi nangekwe noupuna.

DEUTERONOMION 10:8

Mefimbo tuu olo Omwene okwa tongola mo epata laLevi, opo li humbate oshikefa shehangano lOmwene, ndele va kale koshipala shOmwene noku mu longela nokunangeka noupuna medina laye fiyo onena.

GENESIS 47:10

Opo nee Jakob okwa nangeka noupuna Farao, ndele va lekelafana naFarao.

DEUTERONOMION 33:1

Ndele enangeko noupuna laMoses, omulumenhu waKalunga, a nangeka nalo ovana vaIsrael noupuna fimbo ina fya, oleli:

GENESIS 24:60

Ndele vo ova nangeka noupuna Rebeka ndele tava ti kuye: “Omumwameme, mwoove namu dalwe omayovi omilongo, noludalo loye nali nangale moshivelo shovanaita naave.”

EXODUS 39:43

Ndele Moses okwa tala oilonga aishe ei, ndele vo ove i ninga ngaashi Omwene a tonga. Opo nee Moses e va nangeka noupuna.

NUMERI 6:22

Ndele Omwene okwa popya naMoses,

1 EEHAMBA 8:55

nokwa ehena ndele ta nangeke noupuna oshiongalele ashishe shOvaisraeli nondaka yomokule, ta ti:

2 OMAFIMBO 30:27

Opo nee ovapristeli nOvalevi va kala ofika ndele tava nangeke ovanhu noupuna. Nondaka yavo ya udika, nomaindilo avo a fika keumbo laye liyapuki lomeulu.