NUMERI 6:15 - Ombibeli Iyapuki

¹⁵ okambale ke noikuki youfila wa nakwa ihe nonhafi, oikuki mwa pilulilwa omaadi, oikuki ya lalakana ihe nonhafi ya vaekwa nomaadi, pamwe neendjayambo nopamwe noikunwayambo.

NUMERI 6:15 Referans Kwoze

LEVITIKUS 2:4

“Ndele ye ngeenge ta eta eendjayambo da telekwa pediko, odi nokukala oufila wa nakwa, oukuki vehe nonhafi, va lungilwa momaadi, noukuki va lalakana vehe nonhafi va vaekwa omaadi.

EXODUS 29:2

nomungome uhe nonhafi, noukuki vehe nonhafi mwa lungilwa omaadi noukuki voupapi vehe nonhafi va vaekwa nomaadi. U noku di ninga oufila utoka wa nakwa.

NUMERI 15:10

Ndele oikunwayambo eta omaviinyu eelita mbali, omundiloyambo wedimba liwa kOmwene.

1 OVAKORINTO 11:26

Osheshi keshe efiku eshi tamu li omungome ou ndele tamu nu meholo eli, otamu hepaulula efyo lOmwene fiyo ote uya.

1 OVAKORINTO 10:31

Onghee hano ngeenge tamu li ile tamu nu, ile keshe tuu eshi tamu shi ningi, ashishe shi ningeni okufimanekifa Kalunga.

JOEL 2:14

Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:9

Eendjayambo noikunwayambo oya xulifwa mo mongulu yOmwene. Ovapristeli, ovapiya vOmwene ohava nyika oufiye.

JESAJA 62:9

Ndelenee ava ve li tuvikilila, otava li nokuhambelela Omwene, naava va teya, otava ka nwina momikala dange diyapuki.

LEVITIKUS 9:4

nosho yo ohove nodi epanduloyambo di yambwe koshipala shOmwene, neendjayambo da lungilwa omaadi, osheshi nena eli Omwene te mu holokele.’ ”

LEVITIKUS 8:2

“Kufa Aron pamwe novana vaye ovamati pamwe naye, noikutu nomaadi okuvava, nongobe yomhedi yetimbayambo needi mbali eendume nokambale ke noikuki inamu ya onhafi,

LEVITIKUS 7:12

“Umwe ngeenge ta eta ehambeleloyambo, ye e na oku i eta pamwe nehambeleloyambo oikuki ihe nonhafi, ya pilulilwa omaadi noikuki ya lalakana ihe nonhafi ya vaekwa omaadi noufila wa nakwa, wa lungilwa mumwe nomaadi ngaashi olumbololo loikuki.

NUMERI 6:16

Nomupristeli e noku i eta koshipala shOmwene nokuyamba omolwaye etimbayambo nexwikiloyambo.