NUMERI 5:2 - Ombibeli Iyapuki

² “Lombwela ovana vaIsrael nokutya, nava pitife mo monhanda ovanhu aveshe ve noudu woshilundu naaveshe ava ve netiko lomaxu naaveshe ava ve linyateka koshimhu.

NUMERI 5:2 Referans Kwoze

LEVITIKUS 21:1

Omwene okwa lombwela vali Moses a lombwele ovapristeli, ovana ovamati vaAron a tye kuvo: “Omupristeli ehe linyateke koshimhu shamukwao,

LEVITIKUS 13:46

Ye ta kala ina yela, fimbo oudu u li muye. Ye omunashilundu. E nokulikalela. Ye e nokulikalela pondje yonhanda.

NUMERI 12:14

Opo nee Omwene okwa lombwela Moses: “Xe ngeenge e mu fiila omate momesho aye, ye ina kala ngeno ta fi ohoni omafiku aheyali? Ye na kale hano pondje yonhanda omafiku aheyali, opo nee ye na aluke mo.”

NUMERI 31:19

Ndelenee nye vene kaleni omafiku aheyali pondje yonhanda. Keshe ou a dipaa omunhu nakeshe ou a kuma omudipawa, nye mu nokulifetifa mefiku etitatu nomefiku etiheyali, onye vene neenghwate deni.

2 EEHAMBA 7:3

Ndelenee poshivelo pa li ovalumenhu vane ovanashilundu. Vo ova popyafana tava ti: “Omolwashike hatu kala apa fiyo hatu fi?”

LEVITIKUS 13:8

Omupristeli ngeenge ta mono nokutya, evangwa la tandavela moshipa, opo nee omupristeli e noku mu tongola nokutya ou oo oudu woshilundu.

LEVITIKUS 14:8

Opo nee ou ta fetwa mo e nokukosha oikutu yaye nokukululifa eexwiki dokomutwe nokulikosha. Opo nee ye a yela, ndele ta dulu okuuya monhanda, ndelenee e nokukala omafiku aheyali pondje yetwali laye.

LEVITIKUS 23:29

Osheshi keshe umwe, ou ita fi oluhodi mefiku tuu olo, e nokudimwa po moshiwana shavo.

NUMERI 5:1

NOmwene okwa popya naMoses ndee ta ti:

NUMERI 12:10

Oshilemo eshi sha li she litumba sha dja petwali, tala, Mirjam okwa hangika koudu woshilundu, a toka ngaashi omongwa. Ndele Aron eshi e mu tala, okwe mu mona, ye omunashilundu.

LEVITIKUS 13:45

Natango, oikutu yomunashilundu ou e noudu i nokukala ya pombaulwa, neexwiki daye dokomutwe di nokweendjelela. Ye e nokutuvika yo eendjedi daye nokwiingida: “Omunashilundu! Omunashilundu!”