NUMERI 5:15 - Ombibeli Iyapuki

¹⁵ Opo nee omulumenhu na ete omwalikadi waye komupristeli noku mu yandjela eyambo: oufila woilya okilograma imwe, ndelenee kombada yao aha tile ko omaadi ndee aha wede ko oitwiminifo, shaashi olo eendjayambo doukodi, edimbulukifoyambo, tali dimbulukifa owii.

NUMERI 5:15 Referans Kwoze

HESEKIEL 29:16

Ndele sho itashi ka wana vali shi ninge eameno laIsrael. Vo otava dimbulukifa oulunde waIsrael ta pungulukile okushikula Egipiti. Ndele vo otava ka shiiva nokutya, Aame Omwene Kalunga.”

1 EEHAMBA 17:18

Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!”

LEVITIKUS 5:11

“Ndelenee ye ngeenge molwoluhepo ta nyengwa okweeta omalyamono avali ile eenghutyona mbali, ye e nokweeta eyambo lokunyona kwaye okilograma youfila wa nakwa etimbayambo. Ye aha tile ko omaadi nokuha wedele ko oitwiminifo, osheshi olo etimbayambo.

OVAHEBERI 10:3

Ndelenee momayambo omu na omadimbulukifo omatimba omudo keshe.

HOSEA 3:2

Opo ame nde mu lilandela neesekeli omulongo nanhano doshisiliveli neekilograma efele neelita omafele atatu nomilongo nhatu doilya.

LEVITIKUS 2:1

“Ndele umwe ngeenge a hala okweetela Omwene eendjayambo, eyambo laye li nokukala oufila wa nakwa. Ye e noku u tila omaadi nokutula ko vali oitwiminifo,

NUMERI 5:16

Nomupristeli na ehenife omwalikadi noku mu kalekela koshipala shOmwene.

HESEKIEL 21:23

Ndelenee osho momesho Ovajerusalem, sha fa oupule wongaho woipupulu, vo eshi hava ane omaano oshili. Ndelenee yo otai dimbulukifa oulunde, opo vo va kwatwe.

LEVITIKUS 1:2

“Umwe ngeenge a hala okweetela Omwene eyambo, ota dulu okweeta eyambo moimuna, ngeenge ongobe ile odi ile oshikombo.