NUMERI 4:32 - Ombibeli Iyapuki

³² neengudi dehale lokomesho keembinga adishe noikwatelwamhadi yado neendungu dado neengodi dado, heeno, oilongifo aishe naashishe eshi tashi pumbiwa mokuyakulwa mulo. Noilongifo ei tai yandjwa kuvo ve i humbate, i nokutumbulwa kunye.

NUMERI 4:32 Referans Kwoze

EXODUS 38:21

Hano oyo omuvalofuto woitungifa yetwali liyapuki, etwali londobwedi, ngaashi ya valulilwa palombwelo laMoses pokuyakulwa kwOvalevi meuliko laItamar, omona womupristeli Aron.

1 OMAFIMBO 9:29

Ndele vamwe vomuvo va tulwa po, va diinine oinima aishe iyapuki noufila wa nakwa nomaviinyu nomaadi noitwiminifo noimbodi yedimba liwa.

NUMERI 7:1

Mefiku tuu olo Moses okwa li a dikila etwali liyapuki nokwe li vaeka noku li yapula noinima yalo aishe, noaltari noilongifo yayo aishe nokwe i vaeka noku li yapula,

NUMERI 3:8

Ndele vo ve nokukala noshisho shoilongifo aishe yetwali leongalo noponhele yovana vaIsrael okuyakula metwali liyapuki.

EXODUS 38:17

Noikwatelwamhadi yeengudi ya li oshikushu, neehake neelinga oda li oshisiliveli, nomitwe deengudi da vaekwa noshisiliveli. Nado vene nokutya, eengudi adishe domehale lokomesho da li di neelinga doshisiliveli.

EXODUS 25:9

Etwali noinima aishe yalo i ningeni naanaa pashiyelekela Ame handi ku ulikile.

NUMERI 4:31

Oinima ei ve noku i kalela noshisho mokuhumbata kwavo meyakulwalonga lavo petwali leongalo oyei: oipilangi yetwali liyapuki neenhikifo dayo neengudi dalo noikwatelwamhadi yado

NUMERI 4:33

Eshi hano eyakulwalonga lomapata ovana ovamati vaMerari, oilonga yavo aishe mokuyakula petwali leongalo paulikilo laItamar, omona omumati womupristeli Aron.

NUMERI 7:8

Ndele kovana ovamati vaMerari ye okwe va pa omatemba ane neengobe hetatu payakulwalonga lavo, va longifwa kuItamar, omona womupristeli Aron.

EXODUS 27:9

“Ove u nokuningila etwali liyapuki ehale okomesho. Kombinga yehale, langhele koumbuwanhu, pu nokuningilwa oshiyata sha kambakanifwa, oliina iwa ya tungwa neengodi da poshelwa kumwe. Oule wombinga imwe ou fike pomaludimbo efele limwe.

NUMERI 3:36

Novana ovamati vaMerari va li ve nokukala noshisho shoipilangi yetwali liyapuki neenhikifo dalo neengudi dalo noikwatelwamhadi yalo, noilongifo aishe ngaashi yo oilonga aishe ya li i nokulongwa,

NUMERI 4:49

Palombwelo Moses e li lombwelwa kOmwene, keshe umwe wavo a ulikilwa eyakulwalonga laye noshilonga shaye mokuhumbata. Okuvala oko Moses e ku wanifa ngaashi Omwene e mu lombwela.