NUMERI 4:16 - Ombibeli Iyapuki

¹⁶ Ndele Eliaser, omona womupristeli Aron na kale noshisho shomahooli oshikwatelwalamba noitwiminifo yedimba liwa neendjayambo defiku keshe nomaadi okuvaeka. Ye e nokukala noshisho shetwali alishe liyapuki naaishe i li mo: etwali liyapuki noinima aishe yalo.”

NUMERI 4:16 Referans Kwoze

EXODUS 25:6

omahooli olamba, edimba liwa lokomuvavo noidimba ya nyika nawa yokutwimina omwifi,

LEVITIKUS 24:2

“Lombwela ovana vaIsrael ve ku etele omaadi eemono, omaadi mayela a yengwa molwoshikwatelwalamba, eelamba opo di kale da tema efimbo alishe.

1 PETRUS 2:25

Osheshi nale mwa li omwa kana mwa fa eedi, ndelenee paife omwa alukila kOmufita nokOmutekuli weemwenyo deni.

1 PETRUS 5:2

Lifeni oufita waKalunga mwe u pewa, hakefininiko, ndelenee omehalo liwa; hamolweliko la kaka, ndelenee okehalo liwa lokomwenyo pahalo laKalunga,

OVAHEBERI 3:6

ndelenee Kristus ngaashi Omona meumbo laye. Neumbo laye ofye, ngeenge hatu diinine shili eyombamo nelitango leteelelo fiyo okexulilo.

OVAHEBERI 3:1

Onghee hano, ovamwatate ovayapuki naava mwa ifanwa keifano lomeulu, omadiladilo eni a kanyatelifeni komuyapostoli nokomupristeli omukulunhu wehepaululo letu, Kristus Jesus,

1 TIMOTEUS 2:5

Osheshi Kalunga Oye umwe nopokati kaKalunga novanhu oumwe, omunhu Kristus Jesus,

1 OVAKORINTO 4:1

Keshe umwe ne tu tale ofye ovapiya vaKristus, nomalenga oiholekwa yaKalunga.

OILONGA YOVAYAPOSTOLI 20:28

Litaleni hano nye vene, nye mu pashukile oshuunda ashishe, omo mwa nangekwa kOmhepo Iyapuki, eshi e mu ninga ovafita vokulifa eongalo laKalunga, e li lilikolela nohonde yaye mwene.

LUKAS 4:18

“Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

NUMERI 3:32

Ndelenee Eliaser, omona womupristeli Aron, e nokuninga omukulunhu wovakulunhu vOvalevi, omupashukili waava hava longo metwali liyapuki.

LEVITIKUS 6:20

“Olo eyambo laAron novana vaye ovamati ve noku li etela Omwene mefiku tuu olo ye ta ka vaekwa: okilograma youfila wa nakwa eendjayambo defiku keshe. Etata lado ongula netata onguloshi.

EXODUS 37:29

nokwa ninga omaadi mayapuki okuvaeka noitwiminifo yoimbodi yedimba liwa, ngaashi omupiluli omunongo womaadi okuvava ta ningi.

EXODUS 31:11

nosho yo omaadi okuvaeka noitwiminifo yoimbodi yedimba liwa ketwali liyapuki. Naanaa ngaashi nde ku lombwela vo ove noku i ninga.”

EXODUS 30:22

Omwene okwa popya vali naMoses ndele ta ti:

LEVITIKUS 24:1

NOmwene okwa popya naMoses ndee ta ti:

NUMERI 4:17

Ndele Omwene okwa popya naMoses naAron ndee ta ti: