NUMERI 33:53 - Ombibeli Iyapuki

⁵³ Ndele nye mu nokunangala edu nokukala mo, osheshi Ame nde mu pa edu olo li ninge leni.

NUMERI 33:53 Referans Kwoze

DEUTERONOMION 11:31

Osheshi nye otamu tauluka Jordan mu ka nangale oshilongo, Omwene Kalunga keni te ke shi mu pa. Nye otamu ke shi nangala nokukala mo.

JOSUA 21:43

Osho ngaha hano Omwene okwa yandja kuIsrael edu alishe, Ye e li udanekelele ooxe nokwaana e li va pe. Ndele vo ove li nangala ndele va kala mo.

DEUTERONOMION 32:8

Ou wOkombadambada, eshi a tukulila oiwana oitukulwafyuululwa yavo, Ye eshi a tongola ovana vovanhu, opo nee Ye a taula eengaba doiwana, di fike pomuvalu wOvaisraeli.

MATEUS 20:15

Hamba nda kelelwa okulongifa oinima yange ngaashi ame mwene nda hala. Ile ou na efupa shaashi ame ndi na onghenda?’

DANIEL 4:32

Ndele to tewatewa mokati kovanhu, ndele to ka kala pamwe noifitukuti yomoixwa, to ka lya omwiidi ngaashi eengobe, ndele ove oto ka pitifa po omafimbo aheyali, fiyo oto ka shiiva nokutya, ou wOkombadambada oku neenghono okupangela oshilongo shovanhu noku shi pa ou Ye a hala.”

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

OMAPSALOME 115:16

Eulu olo olOmwene, ndelenee edu okwe li pa ovana vovanhu.

DEUTERONOMION 7:17

“Ngeenge ho diladila momutima woye nokutya oiwana oyo oya kula i ku dule nge mouhapu, ame ohandi dulu ngahelipi oku i taataa?

DEUTERONOMION 17:14

“Ove ngeenge to uya moshilongo, osho Omwene Kalunga koye te ke shi ku pa, ndele to shi nangala nokukala mo, ndele to ti: Ame nda hala okulihoololela ohamba ngaashi oiwana aishe ei tai tu dingilile,

JOSUA 23:5

NOmwene Kalunga keni, Ye mwene ote ke i taataa komesho yeni, Oye ote va tembula koshipala sheni, mu shiive okunangala oilongo yayo, Omwene Kalunga keni ngaashi e mu udanekela.

GENESIS 15:7

Ye okwe mu lombwela natango ta ti: “Aame Omwene, ou nde ku tembula muUr shOvakaldea, ove u pewe edu eli.”

DEUTERONOMION 3:18

Ndele ame onde mu lombwela pefimbo olo, ndele handi ti: ‘Omwene Kalunga keni okwe mu pa edu eli mu li nangale. Ndele mwa dililwa, nye ovalumenhu ovakwanyati amushe, mu nokuya komesho yovamwanyoko ovalumenhu, ovana vaIsrael.

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.