NUMERI 32:4 - Ombibeli Iyapuki

⁴ oshikandjo Omwene e shi nunina eongalo laIsrael oshiwa noimuna, novapiya voye ve noimuna.

NUMERI 32:4 Referans Kwoze

NUMERI 21:34

Opo nee Omwene okwa lombwela Moses ndee ta ti: “Ino mu tila, osheshi ame nde mu yandja meke loye pamwe novanhu vaye aveshe noshilongo shaye ashishe. Ndele u noku mu ninga ngaashi wa ningile Sihon, ohamba yOvaamori, ei ya kala muHesbon.”

NUMERI 21:24

Ndelenee Ovaisraeli ve mu taataa neongamukonda, noshilongo shaye sha nangalwa okudja kuArnon fiyo okuJabbok, fiyo okOvaammoni, osheshi ongaba yOvaamori ya li ya pamekwa neehote.

NUMERI 32:5

Va tya vali: Fye ngeenge twa filwa onghenda momesho oye, natu pewe edu olo oshitukulwafyuululwa shetu. Ino tu twala langhele kwinya kombada yaJordan.”

DEUTERONOMION 4:38

opo a taatae komesho yoye oiwana inene noi neenghono, i ku dule, ndele e ku twale mo u pewe oilongo yavo efyuululo, ngaashi shi li nena eli.

NUMERI 21:35

Ndele vo ove mu ta, ye mwene novana vaye ovamati novanhu vaye aveshe fiyo inapa xupa nande umwe. Ndele va nangala oshilongo shaye.

1 OMAFIMBO 4:41

Ndele ovo omadina avo a tumbulwa apa, ove uya pomafiku aHiskia, ohamba yaJuda, va nangala omatwali avo ndele va taataa Ovameunim ovo va li ko. Ndele ve va mana po sheke fiyo onena eli. Ndele va nangala onhele yavo. Osheshi oko kwa li oulifilo woimuna yavo.

JEREMIA 50:19

Nohandi ka shunifa Israel moulifilo waye e ke lilife kuKarmel nomoshikandjo Basan nokeemhunda daEfraim ye a kutife ondjala yaye muGilead.

MIKA 7:14

Oshiwana shoye shi lifa nodibo yoye, ongudu youfita wefyuululo loye tai kala ya tongolwa moixwa yomuKarmel. Nai wandjele muBasan nomuGilead ngaashi pomafiku oshito.