NUMERI 32:33 - Ombibeli Iyapuki

³³ Osho ngaha hano Moses a pa ovana vaGad novana vaRuben netata lepata laManasse yaJosef, oshilongo shaSihon, ohamba yOvaamori, noshilongo shaOg, ohamba yaBasan, oshilongo noilando yomusho nomikunda dasho, oilando yoshilongo keembinga adishe dasho.

NUMERI 32:33 Referans Kwoze

JOSUA 12:6

Moses, omupiya wOmwene, novana vaIsrael ove di dipaa. Ndele Moses, omupiya wOmwene, okwe shi pa Ovarubeni nOvagad netata lepata laManasse, ve shi nangale.

JOSUA 22:4

Ndelenee paife Omwene Kalunga keni a pa ovamwanyoko etulumuko ngaashi Ye e va udanekela. Hano shuneni mu ye komatwali eni koshilongo mwe shi pewa kuMoses, omupiya waKalunga, kombada yaJordan.

DEUTERONOMION 29:8

ndele twa nangala oshilongo shado, ndele twe shi yandja efyuululo kOvarubeni nOvagad noketata lepata lOvamanasse.

1 OMAFIMBO 26:32

Ohamba David okwa tula po ovamwaina vaJeria, ovalumenhu ovaladi omayovi avali nomafele aheyali, ovakulunhu vomapata, va pangele Ovarubeni nOvagad netata lepata lOvamanasse moilonga aishe yaKalunga nomoilonga aishe yohamba.

1 OMAFIMBO 12:31

ndele metata lepata laManasse omayovi omulongo naahetatu, ava va tumbulwa pamadina, va ye va ka ninge David ohamba.

1 OMAFIMBO 5:18

Ovana ovamati vaRuben novaGad netata lepata laManasse, nokutya, ovaladi, ovalumenhu ava ve noshikelelifo neongamukonda ndele tava shili outa ndele va ika oita, va li omayovi omilongo nhee naane nomafele aheyali nomilongo hamano ovo ve nokufikama palombwelo leifano.

NUMERI 34:14

Osheshi epata lOvarubeni pamaludi avo, nepata lOvagad pamaludi avo, netata lepata laManasse ova mona ashishe, vo va pewa oshitukulwafyuululwa shavo.

NUMERI 32:1

Ndelenee ovana vaRuben novana vaGad ova li ve noimuna ihapu, omaufita manene. Ndele vo eshi va lava edu laJaeser nedu laGilead, ova mona olo onhele iwa yoimuna.

NUMERI 32:32

Fye ohatu ka tauluka twa dililwa koshipala shOmwene nokuya medu laKaanan, ndele oshitukulwafyuululwa shetu tashi ka kala koushilo waJordan.”

JOSUA 12:1

Neehamba odo domoilongo ovana vaIsrael va dipaa noilongo yado ve di nangala kombinga yokoushilo waJordan langhele kepito letango, okudja komulonga waArnon fiyo okomhunda yaHermon nomaluhaela aeshe langhele lwokoushilo, odedi:

JOSUA 14:3

Osheshi Moses a yandja komapata avali netata lepata oitukulwafyuululwa kombinga inya yaJordan. Ndelenee Ovalevi ine va pa oshitukulwafyuululwa mokati kavo.

JOSUA 22:7

Ndelenee etata limwe lepata laManasse, Moses okwe li pa oshitukulwafyuululwa muBasan, netata likwao lepata, Josua okwe li pa oshitukulwa pamwe novamwaina, kombinga ei yaJordan mouninginino. Ndele Josua eshi e va lekela va ye komatwali avo, ye okwe va nangeka yo noupuna,

1 SAMUEL 13:7

NOvaheberi va tauluka Jordan va ya medu laGad naGilead. Ndelenee Saul okwa li natango muGilgal pamwe novakwaita aveshe ava ve mu shikula nokukakama.

NUMERI 34:15

Omapata aa avali netata lepata ova mona oshitukulwafyuululwa shavo kombinga yokoushilo waJordan monhele ya shaama naJeriko, koushilo.”