NUMERI 32:29 - Ombibeli Iyapuki

²⁹ Ndele Moses okwe va lombwela: “Ovana vaGad novana vaRuben ngeenge tava tauluka Jordan pamwe nanye nokutya, aveshe ava va longekidilwa oita koshipala shOmwene nedu olo tali ningi oshipangelwa sheni, va peni hano edu laGilead oshitukulwafyuululwa shavo.

NUMERI 32:29 Referans Kwoze

NUMERI 32:28

Opo nee Moses okwe va lombwelele omupristeli Eliaser naJosua yaNun, novakulunhu vomapata omapata ovana vaIsrael.

NUMERI 32:30

Ndelenee vo ngeenge itava tauluka va longekidilwa oita pamwe nanye, nye mu noku va monena oshitukulwafyuululwa shavo mokati keni medu laKaanan.”

JOSUA 13:11

naGilead noshikandjo shOvagesuri noshOvamaakati nomhunda aishe yaHermon naBasan ashishe fiyo okuSalka.

NUMERI 32:17

ndelenee fye vene ohatu ka dililwa nokukwatela komesho ovana vaIsrael, fiyo twe va twala keenhele davo. Ndele ovana vetu tava ka kala moilando ya pamekwa neehotekuma dokukelela po ovanhu vomoshilongo eshi.

JOSUA 12:6

Moses, omupiya wOmwene, novana vaIsrael ove di dipaa. Ndele Moses, omupiya wOmwene, okwe shi pa Ovarubeni nOvagad netata lepata laManasse, ve shi nangale.

JOSUA 14:3

Osheshi Moses a yandja komapata avali netata lepata oitukulwafyuululwa kombinga inya yaJordan. Ndelenee Ovalevi ine va pa oshitukulwafyuululwa mokati kavo.

JOSUA 18:7

Osheshi Ovalevi vehe noshitukulwa mokati keni, shaashi oupristeli wOmwene oo oshitukulwafyuululwa shavo. Ndele Gad naRuben netata lepata laManasse a pewa oitukulwafyuululwa yao kombada yaJordan moushilo, oyo ve i pewa kuMoses, omupiya wOmwene.”

JOSUA 22:9

Osho ngaha hano ovana vaRuben novana vaGad netata lepata laManasse va shuna ndele va dja po povana vaIsrael muSilo, osho shi li medu laKaanan, va ya kedu laGilead, koshilongo shavo oko va pewa oshitukulwalongo shavo kuMoses palombwelo lOmwene.

OVATOKOLIPANGELI 10:3

Ndele konima yaye Jair, Omugilead okwa fikama nokwa pangela Israel omido omilongo mbali nambali.

1 SAMUEL 18:17

Saul okwa lombwela vali David: “Omona wange okakadona oshiveli Merab ou, ohandi mu ku pe a ninge omwalikadi woye. Kala ashike omukwaita ndele diinina oita yOmwene.” Osheshi Saul a diladila: Eke lange lihe mu kume, ndelenee eke lOvafilisti nali mu kume.