NUMERI 31:2 - Ombibeli Iyapuki

² “Kwatela Ovamidian onghone omolwOvaisraeli, opo nee ove to ka ongelwa kovakwanepata loye.”

NUMERI 31:2 Referans Kwoze

NUMERI 27:13

Ndele ngeenge we li mono, naave yo oto ka ongelwa kovakwanepata voye ngaashi omumwanyoko Aron a ongelwa ko.

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”

OVATOKOLIPANGELI 2:10

Ndele epupi olo alishe, eshi la ongelwa kooxe, epupi limwe la holoka konima yavo, lo inali shiiva Omwene nosho yo inava shiiva oilonga ye e i ningila Israel.

EHOLOLO 19:2

Osheshi omatokolo aye oo oshili nokwa yuka, osheshi Ye okwa tokola ombwada inene, ei ya nyonaunifa edu koluhaelo layo, okwe i handukilila ohonde yovapiya vayo noku i pula meke layo.”

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

OVAHEBERI 10:30

Osheshi otu mu shii ou a tonga: “Ehandu olange, Aame handi futu,” Omwene osho ta ti; navali: “Omwene ota ka tokola oshiwana shaye.”

1 OVATESSALONIKI 4:6

ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila.

OVAROMA 13:4

osheshi olo omuyakuli waKalunga oku ku popila. Ndele ngeenge to longo owii, kala wa tila; osheshi eongamukonda inave li djala epwanga, osheshi olo omuyakuli waKalunga okuhandukila ava tava longo owii.

OVAROMA 12:19

Ovaholike, nye vene inamu alulila omunhu owii, ndelenee peni ehandu laKalunga omhito. Shaashi opa shangwa: “Ehandu olange, Aame handi futu, Omwene osho ta ti.”

OILONGA YOVAYAPOSTOLI 13:36

Osheshi David eshi a longele ehalo laKalunga pefimbo laye, okwa kofa, ndele okwa ongelwa pooxekulu, ndele okwa mona eolelo.

LUKAS 21:22

Osheshi omafiku oo oehandu, opo aishe ei ya shangwa i wanifwe.

NAHUM 1:2

Omwene Oye Kalunga omuladi nomukongololi, heeno, Omwene Ye omukongololi, e yadi oupyuhandu. Omwene Ye omukongololi kovatondi vaye, ndele ta diinine ehandu laye kovatondadi vaye.

JESAJA 1:24

Opo nee Omwene, Omwene womatanga ovakwaita, Omunaenghono waIsrael ta popi, ta ti: “Woo! Ehandu lange onda hala oku li polifila movatondi vange nonghone yange okwaava va twa ondubo naame.

OVATOKOLIPANGELI 16:24

Novanhu eshi ve mu mona va hambelela kalunga kavo, shaashi va tile: “Kalunga ketu e tu pa omutondadi wetu nomuhanauni woshilongo shetu, ou a dipaa po vahapu vomufye.”

DEUTERONOMION 32:35

Ehandu olange, Ame ohandi futu mefimbo tuu olo omhadi yavo tai punguluka. Osheshi efiku lehanauno lavo oli li popepi, ndele eshi she va sheyelwa tashi uya diva.

NUMERI 31:3

Opo nee Moses okwa lombwela ovanhu ndee ta ti: “Ovalumenhu vomokati keni nava longekidilwe oita, opo va shiive okuhomona Ovamidian ndele va fikife etokolonghone lOmwene kOvamidian.

NUMERI 25:6

Ndele omulumenhu umwe Omuisraeli e uya nokwa etela ovaneumbo vaye omukainhu Omumidian moipafi yaMoses nomoipafi yeongalo alishe lovana vaIsrael, fimbo va li tava lili poshivelo shetwali leongalo.

NUMERI 20:26

Ndele Aron mu dula oikutu yaye ndele i djaleka omona waye omumati Eliaser. Ndele oko Aron ta ka ongelwa kovakwanepata vaye, ndee ta fi.”

NUMERI 20:24

“Aron na ongelwe mo, a ye kovakwanepata vaye, osheshi ye ite ke uya medu olo nde li pa ovana vaIsrael, shaashi nye mwa li mwa anya elombwelo lange pomeva aMeriba.

EXODUS 2:16

Ndele omupristeli waMidian okwa li e novana oukadona vaheyali. Vo ove uya komufima okuteka omeva nokuxwiila oimuna yaxe.

GENESIS 25:17

Omido daIsmael, ye a kala nomwenyo odedi: omido efele limwe nomilongo nhatu naheyali. Ndele ye okwa fuda mo omhepo yaye nokwa fya, ndele a ongelwa kovanepata vaye.

GENESIS 25:8

Abraham okwa fuda mo omhepo yaye nokwa fya moukulupe waye muwa, a kulupa nokwa kuta omwenyo. Ndele ye okwa ongelwa kovanepata vaye.

GENESIS 15:15

Ndelenee ove oto ka ya kooxo nombili, oko to ka pakwa, ngeenge wa kulupa.

NUMERI 25:1

Ovaisraeli eshi va kala muSittim, ovanhu va hovela okuhaela novana oukadona Ovamoab.

NUMERI 31:1

NOmwene okwa popya naMoses ndee ta ti:

DEUTERONOMION 4:22

Osheshi ohandi ka fila medu eli, ame itandi ka tauluka Jordan. Ndelenee nye otamu ka tauluka nokunangala edu olo liwa.