NUMERI 30:13 - Ombibeli Iyapuki

¹³ “Eudaneko keshe neano keshe lokulidilika omwalikadi ote li udanekele okulihepeka, omulumenhu waye ota dulu oku li kwatekeka ile oku li kwatunununa.

NUMERI 30:13 Referans Kwoze

1 OVAKORINTO 11:3

Ndelenee onda hala nye mu shiive nokutya, Kristus Oye omutwe wakeshe omulumenhu, nomutwe womukainhu omulumenhu, nomutwe waKristus oKalunga.

1 OVAKORINTO 11:9

osheshi omulumenhu ina shitilwa omukainhu, ndelenee omukainhu oye a shitilwa omulumenhu.

JESAJA 58:5

Elidiliko olo tuu olo mbela nda hala, efiku olo omunhu ta hepeke omwenyo waye? Ngeenge ta endameke omutwe waye ngaashi olumbungu note liyalele oshako ndele ta xu ko omute shi ninge omutala waye? Osho otashi ifanwa vati elidiliko nefiku la wapalela Omwene?

OMAPSALOME 35:13

Vo eshi va li tava vele, onda li nda djala omudjalo woufiye, ndele handi lidilike eendja, nohandi va indilile, nde lituvikila komutwe.

ESRA 8:21

Opo nee nda shiivifa efimbo lelidiliko pomulonga waAhava, opo tu lininipike koshipala shaKalunga ketu, tu mu indile tu mone elao molweendo letu fye vene novanhu vetu noinima yetu aishe.

NUMERI 29:7

“Ndele mefiku etimulongo lohani tuu ei onhiheyali mu nokwoongala moshiongalele sheni shiyapuki, ndele nye mu nokunyika oluhodi. Inamu longa sha.

LEVITIKUS 23:32

Efiku olo nali ninge efiku letulumuko kunye ndele mu nokunyika oluhodi. Efiku etimugoi lohani onguloshi, okudja onguloshi fiyo okonguloshi mu nokudiinina Eshabata leni.”

LEVITIKUS 23:27

“Ndelenee efiku etimulongo mohani ei onhiheyali olo efiku lekwatakanifo. Olo efiku loshiongalele shiyapuki kunye. Nye mu nokufya oluhodi nokuyambela Omwene omundiloyambo.

LEVITIKUS 16:29

“Ndele oyo nai ninge kunye onghedimhango yaalushe nokutya: mohani onhiheyali mefiku etimulongo lohani, mu nokunyika oluhodi, ihamu longo oilonga yeni, ngee omudalelwamo moshilongo ile omunailongo ha kala mokati keni.

1 OVAKORINTO 7:5

Inamu lidilikafana, okuninga mwe shi pangela mu likalele manga, opo mu liyandje keilikano, nye mu ye vali pamwe, opo muha shindwe kuSatana omolwokuhelipangela kweni.

NUMERI 30:12

Ndelenee omulumenhu waye mefiku tuu olo te a udu, ngeenge te a alulula hano keshe ondjovo ya dja mokanya kaye ile eudaneko inali wanifwa, omulumenhu waye e a alulula. Omwene ote shi mu dimine po.

NUMERI 30:14

Ndelenee omulumenhu waye ngeenge te mu limwenenene mefiku tuu olo hano osho ngaho ye okwa kwatekeka eudaneko laye ile okulidilika keshe, kwe ku lidilikifa, osheshi ye okwe mu limwenenena mefiku tuu olo ye e li uda.