NUMERI 3:7 - Ombibeli Iyapuki

⁷ Vo nava diinine oilonga yaye noilonga yeongalo alishe komesho yetwali leongalo, va wanife oiyakulwalonga yetwali liyapuki.

NUMERI 3:7 Referans Kwoze

NUMERI 1:50

ndelenee Ovalevi va tula moshilonga shetwali liyapuki noshoinima aishe yalo naaishe i li mo. Vo ove nokuhumbata etwali liyapuki naaishe ei i li mo ndele vo ve nokuyakula moilonga yomulo nokwoonga onhanda keembinga adishe detwali liyapuki.

NUMERI 8:15

Opo nee Ovalevi ve nokuuya va yakule metwali leongalo. Osho ngaha hano u noku va fetifa noku va dungadungifa edungadungifwayambo.

NUMERI 8:11

Ndee Aron e nokudungadungifa Ovalevi koshipala shOmwene edungadungifwayambo ponhele yovana vaIsrael, opo venya va shiive okukala mo mokuyakula moilonga yOmwene.

1 OMAFIMBO 26:26

Selomot tuu ou novamwaina va li ovadiinini vomamona aeshe mayapuki, oo a yapulwa kohamba David nokovakulunhu vomapata nokovaneyovi nokovanefele nokovakulunhu vomatanga ovakwaita.

1 OMAFIMBO 26:22

Ovana ovamati vaJehieli: Setam nomumwaina Joel, va diinina omamona ongulu yOmwene.

1 OMAFIMBO 26:20

NOvalevi novamwaina ovalumenhu ava va li ovadiinini vomamona ongulu yaKalunga novomamona eeshali diyapuki, ovava: Ovaahia.

NUMERI 31:30

Ndele kufa mo moshitukulwa shovana vaIsrael oshitukulwa shimwe shomoitukulwa omilongo nhano, movanhu, meengobe, meendongi, meedi, moinamwenyo aishe. Ndele u noku i yandja kOvalevi ava hava diinine oshilonga metwali liyapuki lOmwene.”

NUMERI 3:32

Ndelenee Eliaser, omona womupristeli Aron, e nokuninga omukulunhu wovakulunhu vOvalevi, omupashukili waava hava longo metwali liyapuki.

LEVITIKUS 8:35

Nye mu nokukala poshivelo shetwali leongalo omafiku aheyali oufiku nomutenya. Nomu nokudiinina omalombwelo Omwene muha fye. Osheshi osho ngaha hano ame nda lombwelwa.”

NUMERI 3:8

Ndele vo ve nokukala noshisho shoilongifo aishe yetwali leongalo noponhele yovana vaIsrael okuyakula metwali liyapuki.

NUMERI 1:53

Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”