NUMERI 3:31 - Ombibeli Iyapuki

³¹ Vo ove nokukala noshisho shoshikefa noshoshitaafula noshoshikwatelwalamba noshoaltari noshoilongifo yetwali liyapuki oyo hai longifwa kovapristeli noshoshitukulifoyata naaishe ei tai longifwa mulo.

NUMERI 3:31 Referans Kwoze

EXODUS 40:30

Nokwa tula po yo elikoshelotemba pokati ketwali leongalo noaltari nokwa tila mo omeva okulikosha.

EXODUS 37:1

Ndele Besaleel okwa pangela oshikefa nomuti womwoonde. Oule washo omaludimbo avali netata, nolumbubu lasho oludimbo limwe netata, noule wopombada oludimbo limwe netata.

MATEUS 5:15

Ngaashi olamba ihai temwa i tulwe koshi yoshimbale, ndelenee koshikwatelwalamba, ndele tai minikile aveshe ve li meumbo.

NUMERI 3:30

Ndele Elisafan yaUsiel e nokuninga omukulunhu wongudu yomapata Ovakohati.

NUMERI 3:32

Ndelenee Eliaser, omona womupristeli Aron, e nokuninga omukulunhu wovakulunhu vOvalevi, omupashukili waava hava longo metwali liyapuki.

DEUTERONOMION 10:8

Mefimbo tuu olo Omwene okwa tongola mo epata laLevi, opo li humbate oshikefa shehangano lOmwene, ndele va kale koshipala shOmwene noku mu longela nokunangeka noupuna medina laye fiyo onena.