NUMERI 29:12 - Ombibeli Iyapuki

¹² “Ndele mefiku etimulongo netitano lohani onhiheyali nye mu nokwoongala moshiongalele shiyapuki. Inamu longa sha shomoilonga yeni, ndelenee mu nokudana oshivilo koshipala shOmwene omafiku aheyali.

NUMERI 29:12 Referans Kwoze

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

HESEKIEL 45:25

Mohani onhiheyali mefiku etimulongo netitano lohani ye e nokulongekida moshivilo momafiku aeshe aheyali, nokutya: etimbayambo tuu eli, exwikiloyambo tuu eli, eendjayambo tuu edi nomaadi tuu aa.”

NEHEMIA 8:18

Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

NEHEMIA 8:14

Opo nee va mona momhango yOmwene e i lombwela Moses, mwa shangelwa, nokutya ovana vaIsrael ve nokukala momatwali moshivilo tashi danwa mohani onhiheyali,

EXODUS 34:22

Oshivilo shoivike u noku shi diinina yo, oshivilo shoshipe sheteyo loilya noshivilo shetuvikilo pexulilo lomudo.

EXODUS 23:16

“Natango oshivilo sheteyo loilya, oshipe shoshilonga shoye musho we shi kuna mepya; nosho yo oshivilo shetuvikilo pexulilo lomudo ove ngeenge to tuvikile oiimati yoshilonga shoye mepya.

NUMERI 29:1

“Ndele mohani onhiheyali mefiku lotete lohani nye mu nokwoongala moshiongalele sheni shiyapuki. Inamu longa sha shomoilonga yeni. Olo nali ninge kunye efiku lokushika enghuma.

NUMERI 29:13

Ndele mu nokweetela Omwene exwikiloyambo, omundiloyambo wedimba liwa: eengobe eenyasha omulongo nanhatu deemhedi, eedi mbali deemhedi, oudjona omulongo navane vomudo umwe vehe noshipo.

1 EEHAMBA 12:32

Ndele Jerobeam okwa ninga oshivilo mohani onhihetatu mefiku etimulongo netitano ngaashi oshivilo osho tashi danwa muJuda, ndele ta londo koaltari. Osho ngaha a ninga muBetel nokwa yambela eenhana, ye e di ninga. Ndele muBetel yo okwa nangeka ovapristeli moilonga yokoikulundu yoaltari, ye e i ninga.

ESRA 3:4

Ndele va dana oshivilo shomatwali ngaashi pa shangwa, ndele va yamba omaxwikiloyambo efiku nefiku pamuvalo wa ufwa, efiku keshe omaxwikiloyambo alo.

LEVITIKUS 23:7

Mefiku lotete pu na okuningwa oshiongalele shiyapuki. Inamu longa sha.

NUMERI 29:35

“Mefiku etihetatu mu nokwoongala koshiongalele shoshivilo. Inamu longa sha shomoilonga yeni.