NUMERI 28:11 - Ombibeli Iyapuki

¹¹ “Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo.

NUMERI 28:11 Referans Kwoze

NUMERI 10:10

Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”

HESEKIEL 46:6

“Ndelenee mefiku lohani ipe: onhana yondume kai noshipo noudjona vahamano noshikombo oshindume, aishe ihe noshipo.

OVAKOLOSSI 2:16

Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata,

HOSEA 2:11

Ndele Ame handi xulifa ehafo laye keshe: oivilo yaye, noivilo yaye yohani ipe nomashabata aye, heeno, nomafiku aye aeshe manene.

ESRA 3:5

Ndele konima va yamba exwikiloyambo lefiku keshe naalo lohani ipe naaeshe aa omoivilo iyapuki yOmwene naa omunhu keshe ou a etela Omwene eeshali dehalo liwa.

2 OMAFIMBO 2:4

Tala, ame ohandi hovele okutungila edina lOmwene, Kalunga kange ongulu, ndi i mu yapulile, opo muyo mu twiminwe koshipala shaye oidimba iwa, nomingome detaliko di kale mo alushe nomaxwikiloyambo a yambwe ongula nonguloshi nomomashabata nopeehani dipe nopomafimbo oivilo yOmwene Kalunga ketu, osho oshinakuwanifwalonga shaalushe shOvaisraeli.

1 OMAFIMBO 23:31

nokuyambela Omwene omaxwikiloyambo efimbo alishe koshipala shOmwene momashabata nomohani ipe nopomafimbo oivilo, pamuvalo wayo wa tongwa momalombwelomhango ao.

1 SAMUEL 20:5

Opo nee David ta ti kuJonatan: “Tala, mongula ohani ipe, naame ondi nokukala omutumba shili pamwe nohamba poshililo. Ndelenee efe nge ndi ye ndi ka hondame moluhaela fiyo onguloshi yomongheleinya.

OVAKOLOSSI 2:6

Hano ngaashi mwa tambula Kristus Jesus Omwene, osho kaleni nokweenda muye,

OVAGALATI 4:10

Omu li po tamu tongola omafiku neehani nomafimbo nomido.

AMOS 3:5

Odila otai kwatwa tuu kelulo kombada yedu, ngeenge inai telwa omwiyo? Elulo otali xwanuka tuu pedu li kwate, ngeenge inali kumwa kusha?

HESEKIEL 46:1

Omwene Kalunga ota ti ngaha: “Oshivelo sholuumbo lomeni, eshi tashi taalele oushilo, shi nokukala sha patwa momafiku aeshe ahamano oilonga. Ndelenee mefiku lEshabata shi nokupatululwa, nosho yo shi nokupatululwa mefiku lohani ipe.

JESAJA 66:23

Ndele keshe omwedi mefiku lohani ipe nakeshe oshivike mefiku lEshabata, ombelela aishe otai ka ongala koshipala shange okulinyongamena, Omwene ta ti.

OMAPSALOME 81:3

Kokamwedjona, shikeni omanghuma, nomohani i li momutootoo okefiku loshivilo shetu.

OMAPSALOME 40:8

Kalunga kange, okuwanifa ehalo loye, osho otashi nyakula nge, nomhango yoye oyo ya nyolelwa moule womwenyo wange.”

OMAPSALOME 40:6

Oitomenwayambo neendjayambo ito di hokwa, ndelenee omatwi ange wa fitulula; exwikiloyambo netimbayambo ito pula.

NEHEMIA 10:33

Molwomingome detaliko nomolweendjayambo defiku keshe nomolwexwikiloyambo lefiku keshe, molwomayambo omEshabata, omayambo eehani dipe, nomolwomafimbo oivilo, nomolweeshali diyapuki nomolwomatimbayambo okukwatakanifa Ovaisraeli, nomolwakeshe oshilonga shomongulu yaKalunga ketu.

2 EEHAMBA 4:23

Ndele ye ta ti: “Omolwashike to i kuye nena? Nena kape nohani ipe ile Eshabata.” Ndele e mu nyamukula: “Ino kala noshisho!”

NUMERI 28:19

Ndelenee mu nokweetela Omwene exwikiloyambo: eengobe eenyasha deemhedi nodi imwe yomhedi noudjona vaheyali vomudo umwe. Ove nokukala vehe noipo kunye.

LEVITIKUS 1:3

“Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 1:9

Ndelenee omandjadja nomakondo vo ve noku a kosha nomeva, nomupristeli e noku i xwika po aishe koaltari exwikiloyambo nokutya, omundiloyambo wedimba liwa kOmwene.

LEVITIKUS 1:13

Ndelenee omandjadja nomakondo e noku a kosha nomeva, nomupristeli e noku a eta aeshe noku a xwikila po koaltari. Olo exwikiloyambo nokutya, omundiloyambo wedimba liwa kOmwene.

1 SAMUEL 9:12

Ndele ve va nyamukula tava ti: “Oko e li komesho yeni. Endeleleni paife, osheshi ye e uya nena moshilando, shaashi ovanhu ve neyambo nena koshikulundu.

2 OMAFIMBO 8:13

Vo va li ve nokuyamba efiku keshe pashipango shaMoses, momashabata nomeehani dipe nomomafimbo oivilo, lutatu momudo: moshivilo shomingome dihe nonhafi, nomoshivilo shoshivike nomoshivilo shomatwali.

HESEKIEL 46:7

Nongaashi eendjayambo ye e nokulongekida ngaha: Eelita omulongo naheyali netata kongobe omhedi neelita nhatu koshikombo oshindume, ndelenee koudjona na tulilwe ko eshi te shi dulu. Eelita nhatu domaadi naa tulwe ku keshe.

AMOS 8:5

eshi tamu ti: “Ohani ipe onaini tai fi ko, opo fye tu shiive okulandifa oilya, nEshabata, opo tu shiive okumatula okaanda, fye tu ninipike oshiyelekifo sheefa, ndele tu nenepeke oshiyelekifo shasekeli nokufufya noshiyelekifo shoipupulu,

2 OMAFIMBO 2:3

Opo nee Salomo a shiivifila Hiram, ohamba yaTirus, ta ti: “Ngaashi wa ningila tate David, eshi we mu tumina omisederi, ye e litungile ongulu yokukala mo, shi ningile nge yo.

OMAPSALOME 81:4

Osheshi oyo onghedi yomuIsrael, oshipango shaKalunga kaJakob.