NUMERI 27:3 - Ombibeli Iyapuki

³ “Tate yetu okwa fila mombuwa, ndele ye ina kala meengudu daava va ongalela okutwila Omwene ondubo, meengudu daKora, ndelenee ye okwa fila omatimba aye mwene, ndele ye okwa li ehe novana ovamati.

NUMERI 27:3 Referans Kwoze

HESEKIEL 18:4

Taleni, eemwenyo adishe odange. Omwenyo waxe nosho yo omwenyo womona, do odange. Omwenyo ou tau nyono u nokufya.

NUMERI 14:35

Ame, Omwene, onde shi popya. Oshili eshi ohandi ke shi ningila oiwana aishe ei ii, yo ya hovela okutwila nge ondubo. Vo otava ka xula po mombuwa ei nokufila mo muyo.’ ”

OVAROMA 6:23

Osheshi ondjabi youlunde oyo efyo, ndelenee oshalinghenda yaKalunga oyo omwenyo waalushe muKristus Jesus, Omwene wetu.

OVAROMA 5:21

Opo ngaashi oulunde wa pangela mefyo, osho yo efilonghenda tali pangele omolwouyuki li ete omwenyo waalushe molwaJesus Kristus, Omwene wetu.

OVAROMA 5:12

Onghee hano, ngaashi oulunde wa etwa mounyuni komunhu umwe, nefyo okoulunde, osho nee efyo ole uya movanhu aveshe, shaashi aveshe va nyona.

JOHANNES 8:24

Onghee nde mu lombwela, otamu ka fila momatimba eni. Osheshi ngeenge itamu itavele nokutya, Aame tuu ou, otamu ka fila momatimba eni.”

JOHANNES 8:21

Ndele Jesus ta ti vali kuvo: “Ame ohandi di po, ndele nye otamu kongo nge, ndele otamu ka fila momatimba eni. Oku handi i, itamu shiiva okuya ko.”

NUMERI 26:33

Ndelenee Selofhad yaHefer okwa li ehe novana ovamati, ndelenee ovana oukadona aveke. Nomadina ovana oukadona vaSelofhad aa: Mahla naNoa, Hogla, Milka naTirsa.

NUMERI 16:49

Ndele ava va fila moshiponga eshi ova li ve fike povanhu omayovi omulongo naane nomafele aheyali, venya va fya omolwaKora inava valwa.

NUMERI 16:19

Ndelenee Kora okwe va ongaleka eongalo alishe poshivelo shetwali leongalo. Opo nee oshinge shOmwene sha holokela eongalo alishe.

NUMERI 27:2

ndele ova ka kala ofika moipafi yaMoses noyomupristeli Eliaser noyovakulunhu noyeongalo alishe poshivelo shetwali leongalo, ndee tava ti:

NUMERI 27:4

Omolwashike edina latate tali ka dimwa po mepata laye, shaashi ye okwa li ehe novana ovamati? Tu peni oshitukulwa mokati kovamwaina vatate ovalumenhu.”