NUMERI 26:62 - Ombibeli Iyapuki

⁶² Novalumenhu aveshe vavo va valwa, ava va wanifa ohani imwe naava va koya po, ova li ve fike pomayovi omilongo mbali naatatu. Ndelenee vo inava valwa mokati kovana vaIsrael, osheshi vo inava pewa oshitukulwafyuululwa mokati kovana vaIsrael.

NUMERI 26:62 Referans Kwoze

DEUTERONOMION 10:9

Onghee hano Levi ehe noshitukulwa ile oshifyuululwa pamwe novamwaxe. Omwene Ye oshitukulwafyuululwa shaye, Omwene Kalunga koye ngaashi e mu udanekela.

NUMERI 3:39

Ovalevi aveshe, ava va valwa kuMoses nokuAron palombwelo lOmwene, ava va valwa pamapata avo, ovalumenhu aveshe ava va wanifa ohani imwe nova koya po, ova li ve fike pomayovi omilongo mbali naavali.

NUMERI 1:49

“Epata laLevi alike inamu li vala, nomuvalu walo aushe mokati kovana vaIsrael itau shangelwa mo,

JOSUA 14:3

Osheshi Moses a yandja komapata avali netata lepata oitukulwafyuululwa kombinga inya yaJordan. Ndelenee Ovalevi ine va pa oshitukulwafyuululwa mokati kavo.

JOSUA 13:33

Ndelenee kepata laLevi Moses ina yandja oshitukulwafyuululwa. Omwene Kalunga kaIsrael, Ye oshitukulwafyuululwa shavo, ngaashi Ye e va udanekela.

JOSUA 13:14

Epata laLevi alike Moses ine li pa oshitukulwafyuululwa: omindiloyambo dOmwene Kalunga kaIsrael, oye oshitukulwafyuululwa shalo, ngaashi Ye e li udanekela.

NUMERI 4:48

omuvalu wavo wa li u fike pomayovi ahetatu nomafele atano nomilongo ahetatu.

NUMERI 4:27

Eyakulwalonga alishe lovana ovamati Ovagerson nokutya, aishe ei ve nokuhumbata, noilonga yavo aishe oi nokuwanifwa palombwelo laAron novana vaye ovamati. Ndele ava nave va shiivifile aishe ei ve noku i humbata nokukala noshisho shayo.

NUMERI 1:47

Ndelenee Ovalevi vomepata looxekulu yavo inava valwa pamwe navakwao.

NUMERI 26:63

Ovava va valwa kuMoses nokomupristeli Eliaser, ava va valula ovana vaIsrael momaluhaela aMoab puJordan monhele ya shaama naJeriko.