NUMERI 25:13 - Ombibeli Iyapuki

¹³ ndele lo tali ka ninga kuye nokomaludalo aye konima yaye ehangano laalushe loupristeli, shaashi ye okwa fya ouladi omolwaKalunga kaye nokwa kwatakanifa ovana vaIsrael.’ ”

NUMERI 25:13 Referans Kwoze

OVAHEBERI 2:17

Onghee hano Ye okwa li e nokufaafana novamwaxe moinima aishe, opo a ninge omupristeli omukulunhu omunamutimanghenda nomudiinini moilonga yaye yopuKalunga, Ye a longele ovanhu edimepo lomatimba.

1 PETRUS 2:5

nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus.

JEREMIA 33:22

Ngaashi eengudu dokeulu da nyengwa okuvalwa neheke lokefuta la nyengana okuyelekwa, osho ohandi ka hapupalifa oludalo laDavid, omupiya wange, novapristeli Ovalevi ovo tava longele nge.

JEREMIA 33:18

Nomovapristeli Ovalevi itamu ka pumba omulumenhu moipafi yange, ou ta eta omaxwikiloyambo, ndele ta xwike eendjayambo ndele ta longekida omatomenoyambo efimbo alishe.

OMAPSALOME 106:31

Eshi osha talwa ko sha yuka notashi ka dimbulukiwa koludalo noludalo fiyo alushe.

EXODUS 40:15

Va vaeka ngaashi wa vaeka xe, opo va shiive okulongela nge moshilonga shoupristeli. Evaeko lavo li nokukala kuvo oupristeli waalushe koludalo noludalo.”

EHOLOLO 1:6

nokwe tu ninga ouhamba novapristeli vaKalunga novaXe; efimano olaye neenghono odaye alushe fiyo alushe! Amen.

1 JOHANNES 2:2

Ndele Oye ekulilo lomatimba etu; ndele halomatimba etu aeke, ndelenee olomatimba ounyuni aushe.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

OVAHEBERI 7:11

Hano ewaneneno ngeno la fikifwa koupristeli wOvalevi, osheshi molwao oshiwana sha pewa omhango, oshike hano kwa li ku nokuholoka omupristeli umwe e lili panghedi yaMelkisedek ndele hapanghedi yaAron?

JOHANNES 2:17

Ndele ovalongwa vaye ova dimbulukwa nokutya, opa shangwa: “Ouladi omolwongulu yoye otau li nge.”

JESAJA 61:6

Ndelenee nye otamu ka ifanwa ovapristeli vOmwene ndele tamu ka tiwa: Ovamati vaKalunga ketu! Onye otamu ka lya oupuna woiwana ndele tamu litumbalekele oshinge shavo.

OMAPSALOME 69:9

Osheshi ouladi wokukondjela ongulu yoye, oo wa mana nge eenghono; nomasheko aava have ku sheke, a wila nge.

1 EEHAMBA 19:14

Oye okwe mu nyamukula: “Ame nda kondjela nouladi Omwene Kalunga komatanga ovakwaita, osheshi ovana vaIsrael ve liteeka ehangano loye, va ngumauna po eealtari doye ndele va dipaa ovaxunganeki voye neongamukonda, aame andike nda xupa po, ndele tava kongo omwenyo wange, ve u kufe nge.”

1 EEHAMBA 19:10

Ndele ta nyamukula: “Ame nda kondjela nouladi Omwene Kalunga komatanga ovakwaita, osheshi ovana vaIsrael ve liteeka ehangano loye, va ngumauna po eealtari doye ndele va dipaa ovaxunganeki voye neongamukonda, aame andike nda xupa po, ndele tava kongo omwenyo wange, ve u kufe nge.”

2 SAMUEL 21:3

Opo nee David ta ti hano kOvagibeon: “Ndi noku mu ningila shike, ndele ndi noku mu kwatakanifa nashike, opo mu nangeke noupuna oshitukulwafyuululwa shOmwene?”

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

JOSUA 7:12

Novana vaIsrael itava dulu vali okulipopila moipafi yovatondadi vavo. Otave ke va faduka po, osheshi voovene ve lilongela ehanauno. Ame ihandi ka kala vali pamwe nanye, fimbo nye inamu kufa mo mokati keni eshi sha tokolelwa ehanauno.

NUMERI 16:46

Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.”

EXODUS 32:30

Ndele mefiku la shikula Moses okwa lombwela ovanhu ndele ta ti: “Nye mwa nyona unene. Ndelenee paife ame ohandi ka londa kOmwene. Kashiimba ame ohandi dulu oku mu kongela ekwatakanifo molwetimba leni.”

OMAPSALOME 119:139

Ouladi wange ohau nameke nge, shaashi ovatondi vange otava dimbwa eendjovo doye.

1 EEHAMBA 2:27

Osho ngaha hano Salomo okwa taataa Abjatar, ye ina kala vali omupristeli wOmwene, opo ondjovo yOmwene i wanifwe, Ye e i popila epata laEli muSilo.

EXODUS 29:9

va mangifa nomwiya woshiyata, Aron novana vaye ovamati, komitwe davo mangifa oumbale, opo va shiive okukala moshilonga shoupristeli ngaashi onghedimhango yaalushe. Osho ngaha hano ove u nokunangeka Aron novana vaye ovamati moshilonga shoupristeli.

NUMERI 16:47

Ndele Aron osho a ninga ngaashi a lombwelwa kuMoses. Ndele ye a endelela a ya mokati keongalo, ndele tala, oshiponga osha hovela nokuli mokati keongalo. Opo nee ye a twimina nokukwatakanifa ovanhu.

NUMERI 25:14

Nedina lomulumenhu Omuisraeli ou a dipawa, pamwe nomukainhu Omumidian, ola li Simri yaSalu, omukulunhu wepata laSimeon.

NEHEMIA 13:29

Kalunga kange, va dimbulukwa, osheshi vo ova nyateka oupristeli nehangano lovapristeli nolOvalevi.

MALAKIA 2:8

Ndelenee nye mwa kanduka mo mondjila, vahapu mwe va pundukifa molwelongo leni. Nye mwa teya po ehangano laLevi, Omwene womatanga ovakwaita ta ti.

LEVITIKUS 15:15

nomupristeli e noku di yamba, imwe etimbayambo naikwao exwikiloyambo. Osho ngaha hano omupristeli ta kwatakanifa koshipala shOmwene ou a li e netiko lomahiyoyo.

NUMERI 17:12

Opo nee ovana vaIsrael va popya naMoses ndee tava ti: “Tala, fye ohatu fi, ohatu xulu po, fye atushe hatu xulu po.