NUMERI 25:11 - Ombibeli Iyapuki

¹¹ “Pinehas yaEliaser, omona womupristeli Aron okwa kandula po oupyuhandu wange movana vaIsrael, ye eshi a monifa ouladi wange nokudiinina ouladi mokati kavo, opo ame mouladi wange inandi mana po ovana vaIsrael.

NUMERI 25:11 Referans Kwoze

OMAPSALOME 78:58

Otave mu handukifa momiulu davo, omo va fiyawila, ndele tave mu shindifa oikalunga yavo.

DEUTERONOMION 32:21

Vo ova pendula ouladi wange mwaashi shihe fi Kalunga. Vo va handukifa nge molwoikalunga yavo yongaho. Opo nee Ame ohandi ka pendula ouladi wavo molwoshiwana shihe fi oshiwana, noshiwana shihe neendunge, ohandi va handukifa.

DEUTERONOMION 32:16

Vo ova pendula ehandu laye mokulongela oikalunga imwe. Ve mu handukifa omolwoixuna.

2 OVAKORINTO 11:2

Osheshi ohandi mu kondjele nouladi waKalunga, osheshi onde mu valekela omulumenhu umwe, ndi etele Kristus okakadona ka koshoka.

1 OVAKORINTO 10:22

Ile otwa hala okuhandukifa Omwene? Ofye otu mu dule?

SEFANIA 3:8

Osho hano teeleleni nge, Omwene osho ta ti, fiyo okefiku olo Ame handi fikama ndi hakane oshihakanwa. Osheshi etokolo lange oleli, ndi ongele oiwana nokukombelela oilongo, opo ndi tileshi kombada yavo oupyuhandu wange, ehanyo alishe lehandu lange. Osheshi edu alishe tali ka pya komundilo wehandu lange.

SEFANIA 1:18

Oshingoldo noshisiliveli shavo itashi dulu oku va xupifa mefiku loupyuhandu wOmwene. Ndelenee omundilo wouladi waye otau ka lungwinifa po edu alishe. Osheshi ehanauno nexulilo lombadilila ote li undulile oonakukalako aveshe kombada yedu.

1 EEHAMBA 14:22

Ndele Juda sha ninga osho shii momesho Omwene, ndele she mu handukifa shi dule oilonga aishe ii yooxe omolwomatimba avo ve a ninga.

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

JOHANNES 3:36

Ou ta itavele Omona, oye e nomwenyo waalushe; ndelenee ou iha dulika kOmona, ita ka mona omwenyo, ndelenee ehandu laKalunga otali kala kombada yaye.”

NAHUM 1:2

Omwene Oye Kalunga omuladi nomukongololi, heeno, Omwene Ye omukongololi, e yadi oupyuhandu. Omwene Ye omukongololi kovatondi vaye, ndele ta diinine ehandu laye kovatondadi vaye.

HESEKIEL 16:38

Ndele Ame ohandi ke ku tokola ngaashi sha pangelwa momhangela yovatei vohombo novatilishi vohonde, ndele Ame handi ku efele efyo lohonde moupyuhandu nomouladi.

OMAPSALOME 106:30

Pinehas okwa fikama ndele ta wanifa etokolo; neefya oda kanghekwa.

OMAPSALOME 106:23

Opo Ye a uka oku va hanauna po, ndelenee e shi efifwa kuMoses, omuhoololwa waye, ou a ile kuye, oku va popila, Ye a pungulule po puvo ehandu laye loku va kanifa.

2 SAMUEL 21:14

nomakipa aSaul nomakipa omona waye Jonatan ve a paka moshilongo shaBenjamin muShela mombila yaxe Kis. Ndele va ninga ashishe palombwelo lohamba, opo nee Kalunga a fila oshilongo onghenda.

JOSUA 24:19

Ndelenee Josua okwa lombwela ovanhu ta ti: “Nye itamu dulu okulongela Kalunga. Osheshi Oye Kalunga omuyapuki, Ye Kalunga omuladi. Ye ita ka dima po omatauluko eni nomatimba eni.

DEUTERONOMION 29:20

Omwene ita hale oku mu dimina po, ndelenee ehandu nouladi wOmwene tau xwamene omulumenhu ou, netulomutima alishe olo la shangelwa mo membo eli, tali ya kombada yaye, nOmwene ta ka dima po edina laye koshi yeulu.

DEUTERONOMION 4:24

Osheshi Omwene Kalunga koye Oye omundilo hau lungwinifa, Kalunga omuladi.

EXODUS 34:14

Osheshi ino linyongamena koshipala shakalunga kamwe. Osheshi edina lOmwene olo ‘Nandubo’ nokutya, Ye Kalunga e nondubo.

EXODUS 22:5

“Umwe ngeenge ta lifa epya ile oshikokola shomiviinyu shamukwao, ndele ta efa oimuna ndele tai ka lya epya lomunhu, e nokukufa mepya laye oilya iwa i dule ikwao naai yomoshikokola shaye shomiviinyu iwa i dule ikwao, e i mu alulile.

NUMERI 25:10

Opo nee Omwene okwa popya naMoses ndee ta ti:

JOSUA 22:13

Novana vaIsrael va tuma Pinehas yaEliaser, omupristeli kovana vaRuben nokovana vaGad noketata lepata laManasse medu laGilead,

OMAPSALOME 106:31

Eshi osha talwa ko sha yuka notashi ka dimbulukiwa koludalo noludalo fiyo alushe.