NUMERI 24:6 - Ombibeli Iyapuki

⁶ Ngaashi omafilulonga taa tandavele kokule, nongaashi oikunino pomulonga, nongaashi omiti daaloe da twikwa kOmwene, heeno, ngaashi omisederi pomeva.

NUMERI 24:6 Referans Kwoze

OMAPSALOME 1:3

Ndele ye ota ka kala ngaashi omuti, ou wa twikwa pomatondokelo omeva ndele tau imifa oiimati yao pefimbo lao, nomafo ao ihaa lembe. Naashishe eshi ta ningi, osha fewa.

JESAJA 58:11

Ndele Omwene ote ku endifa alushe, ota kutifa omwenyo woye meenhele dihe nomeva, ndele ta pameke omakipa oye, ndele to ka kala ngaashi oshikunino shitalala sha tekelwa shili, ngaashi ofifiya ihai pumbwa nande omeva.

OMAPSALOME 104:16

Omiti dOmwene otadi likumifa nokunwa, omiti omisederi daLibanon, edi a twika,

JOEL 3:18

Ndele mefiku tuu olo eemhunda otadi fulukifa omaviinyu, moikulundudu tamu tondoka mo omashini. Ndele momilonga adishe domuJuda tamu ka kunguluka omeva. Nofifiya otai ka fuluka mongulu yOmwene, ndele tai tutike efilu laSittim.

HESEKIEL 47:12

Ndele pomulonga pominghulo adishe mbali omiti di lili nadi lili tadi ka ima oiimati hai liwa. Omafo ado itaa ka lemba noiimati ihai kuka. Mohani keshe tadi ka ima oiimati ipe, osheshi omeva ado taa di motembeli. Noiimati yado tai ka liwa nomafo ado okuvelula.”

JEREMIA 31:12

Ndele tave uya ndele tava imbi nokunyakukwa komhunda yaSion, ndele tava tondokele kouwa wOmwene, koilya nokomaviinyu nokomaadi, keedi nokeengobe. Ndele eemwenyo davo otadi kala da fa oshikunino sha tekelwa nawa, noitava ka kala vali nokukema.

JEREMIA 17:18

Ava hava taataa nge, nava fifwe ohoni, Ove ino fifa nge ohoni. Nava tilifwe, ndelenee ino tilifa nge. Va undulila efiku loshiponga ndele va hanauna po nomahanauno avali.

JESAJA 41:19

Ame ohandi ka menifa omisederi mombuwa nomiyonde neemirti neemono. Nomomifitu Ame ohandi ka twika mo omisipresi nomyandi nomyoongo mumwe,

EIMBILOELELA 6:11

Ame nda ile koshikunino shoiimati ndi ka hafele ewapalo lomefilu, ndi tale omuviinyu ngeenge tau hape, eegranati ngeenge da eta eenhemo,

OMAPSALOME 45:8

Omudjalo woye aushe ou nedimba liwa lomirha naaloe naakassia; neshiko lokaxumbafeta otali ku hafifa meengulu da tungifwa ekipa leendjaba.

GENESIS 13:10

Opo nee Lot okwa yelula omesho aye ndele ta mono kutya olufilu alishe lokuJordan oli na omeva mahapu. Pefimbo opo Omwene ina hanauna po manga Sodom naGomorra, lo la li kombinga yaSoar ngaashi oshikunino shOmwene, ngaashi edu laEgipiti.

NUMERI 24:5

Akutu Jakob, omatwali oye a wapala ngahelipi! Eenhele dokukala kwoye, akutu Israel!