NUMERI 24:4 - Ombibeli Iyapuki

⁴ Osho ngaha omuudi weendjovo daKalunga ta popi; ou ta mono omamoniko Omunaenghono adishe; ou ta wile poshi ndele e nomesho a pashuka.

NUMERI 24:4 Referans Kwoze

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,

EHOLOLO 1:10

Mefiku lOmwene onda li mOmhepo, ndele nda uda konima yange ondaka inene ya fa enghuma,

HESEKIEL 1:28

Ngaashi outa wodula hau monika moilemo mefiku lodula, osho ngaha evadimo ola li le shi dingilila. Osho olupe levadimo lOmwene la li mokutala. Ndele ame eshi nde shi mona, onda wila po eombe ndele nda uda ondaka yaumwe ta popi.

NUMERI 12:6

Opo nee Ye ta ti: “Udeni eendjovo dange. Mokati keni ngeenge omu nomuxunganeki, Ame ohandi mu lihololele memoniko, nohandi popi naye mondjodi.

OILONGA YOVAYAPOSTOLI 22:17

“Ndele eshi nda aluka ko, onde uya kuJerusalem, nonda ilikanena motembeli, onda fya ombabanghukuta,

OILONGA YOVAYAPOSTOLI 10:19

Ndele Petrus eshi a li ta diladila emoniko olo, Omhepo ya tya kuye: “Tala, oku na ovalumenhu vatatu tave ku pula,

OILONGA YOVAYAPOSTOLI 10:10

Ndele okwa li e udite ondjala inene, ndele a hala okulya. Ndele fimbo tava teleke, okwa fya ombabanghukuta.

OMAPSALOME 89:19

Shito owa popifile ovayuki voye memoniko, wa tile: “Onda yandja eenghono komuladi e mu kwafe, nde mu tumbila elenga, eli nda hoolola movanhu.

1 SAMUEL 19:24

Naye mwene yo okwe lidula oikutu yaye nokwa xunganeka koshipala shaSamuel nokwa wila eombe nokwa nangala hamunghele omutenya aushe noufiku aushe. Onghee taku tiwa: NaSaul ye oku li movaxunganeki hamba?

NUMERI 22:31

Opo nee Omwene okwa pashukifa omesho aBileam, opo a dule okumona omweengeli wOmwene e li ofika mondjila e neongamukonda la pweywa mo meke laye. Ndele ye okwe linyongamena nokwa wila eombe.

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

GENESIS 15:12

Ndele pokuningina kwetango Abram okwa kwatwa keemhofi dinene, ndele tala, etilo nomulaulu munene owe mu wila.

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

NUMERI 24:5

Akutu Jakob, omatwali oye a wapala ngahelipi! Eenhele dokukala kwoye, akutu Israel!

NUMERI 24:15

Opo nee ye a tumbula etumbulo ndee ta ti: “Bileam yaBeor osho ngaha ta popi, heeno, osho omulumenhu, omesho aye a pashukifwa ta popi.

1 EEHAMBA 22:17

Opo nee a nyamukula: “Ame nda mona Ovaisraeli aveshe va halakanifwa keemhunda ngaashi eedi dihe namufita. NOmwene okwa tya: ‘Vo vehe na vali omuwiliki, nava shune nombili komaumbo avo.’ ”