NUMERI 24:16 - Ombibeli Iyapuki

¹⁶ Osho ngaha omuudi weendjovo daKalunga ta popi; heeno ou a shiiva ounongo waau wOkombadambada; ou ta mono omamoniko Omunaenghono adishe, ou ta wile poshi a kukuka ndee ta pashuka vali.

NUMERI 24:16 Referans Kwoze

NUMERI 24:4

Osho ngaha omuudi weendjovo daKalunga ta popi; ou ta mono omamoniko Omunaenghono adishe; ou ta wile poshi ndele e nomesho a pashuka.

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.

1 OVAKORINTO 8:1

Ndelenee okupopya ombelela yeyambo otu shi shii, atusheni otu neshiivo. Okushiiva otaku nenepekifa, ndele ohole otai tungu.

NUMERI 24:3

Ndele ye okwa tumbula etumbulo laye ndee ta ti: “Bileam yaBeor osho ngaha ta popi, heeno, osho omulumenhu omesho aye a pashukifwa, ta popi.

NUMERI 24:15

Opo nee ye a tumbula etumbulo ndee ta ti: “Bileam yaBeor osho ngaha ta popi, heeno, osho omulumenhu, omesho aye a pashukifwa ta popi.

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

GENESIS 14:18

Ndele Melkisedek, ohamba yaSalem, omupristeli waKalunga wOkombadambada okwa eta omungome nomaviinyu,

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.