NUMERI 24:13 - Ombibeli Iyapuki

¹³ ‘Balak nande a pe nge oshisiliveli noshingoldo shi yadi eumbo laye, ame ihandi dulu okutauluka elombwelo lOmwene ndi ninge ngeno ouwa ile owii pamadiladilo omutima wange? Eshi Omwene te shi popi, osho ame handi shi tongo.’

NUMERI 24:13 Referans Kwoze

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

NUMERI 22:18

Opo nee Bileam okwa nyamukula ndee ta ti kovapiya vaBalak: “Balak nande a pe nge oshisiliveli noshingoldo shi yadi eumbo laye, ame ihandi dulu okutauluka elombwelo lOmwene Kalunga kange nande moshinima shinini ile shinene.

NUMERI 16:28

Ndele Moses okwa popya ta ti: “Opo tuu opo nye mu shi shii nokutya, Omwene okwa tuma nge okuninga oilonga aishe ei, ndele inai ningwa kehalo lange mwene.

1 EEHAMBA 13:8

Ndelenee omulumenhu waKalunga ta ti kohamba: “Nande u pe nge etata leumbo loye, ame itandi i pamwe naave, ndele itandi li omungome noitandi nu omeva monhele ei.

1 EEHAMBA 22:14

Ndelenee Mikaia ta ti: “Oshili, ngaashi Omwene e nomwenyo, oshili, osho Omwene te shi lombwele nge, osho handi ka popya.”

NUMERI 22:8

Opo ye e va nyamukula ta ti: “Opo nee ame ohandi ke mu shiivifila ngaashi Omwene ta ka lombwela nge.” Opo nee ovakulunhu vaMoab va fyaala puBileam.