NUMERI 23:24 - Ombibeli Iyapuki

²⁴ Tala, oshiwana tashi fikama po ngaashi onghoshi yonghadi, tashi yeluka po ngaashi onghoshi. Itashi ka nangala fimbo inashi lya po oshihakanwa nofimbo inashi nwa ohonde yaai ya dipawa.”

NUMERI 23:24 Referans Kwoze

GENESIS 49:9

Juda onghoshi onyasha; moihakanwa wa dja, omumwange. Ye ote likoko, ndee ta nangala ngonghoshi, ngaashi onghoshi onghadi. Olyelye ta dulu oku mu taataa?

GENESIS 49:27

“Benjamin oye embungu tali nyanyaula. Ongula tali li oshihakanwa shalo nonguloshi tali tukula eshi la kwata.”

EHOLOLO 5:5

Ndelenee umwe womovakulunhu okwa lombwela nge: “Ino lila, tala, onghoshi yomepata laJuda, oshitutumine shaDavid, Oye a findana, onghee a wana okutonyununa omushangwatonywa ou nokumatula oipatifo yao iheyali.”

SAKARIA 12:6

Mefiku tuu olo ovakulunhu vepata muJuda ohandi ke va ninga ngaashi oshikwatelwa shomundilo koshi yonduba yoikuni nongaashi onyika mokati koihati. Vo otava ka lungwinifa oiwana aishe yomoushiinda wavo kolulyo nokolumosho. Ndele Jerusalem otashi pewa okukala ponhele yasho shi novanhu alushelushe muJerusalem.

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

NAHUM 2:11

Onghalelo yonghoshi oi li peni? Onhele yokulila yonghoshi onyasha oi li peni? Muyo onghoshi nonghoshi onghadi nonghoshona da kala nokulyangela nopehe na ou te di halwifa?

AMOS 3:8

Onghoshi oya kumba, olyelye ngeno ita tila? Omwene Kalunga okwa popya, olyelye ita xunganeke?

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

JESAJA 31:4

Osheshi Omwene okwa lombwela nge ngaha: “Ngaashi onghoshi, onghoshi onyasha tai ndwaandwamene peendja, ngeenge ongudu yovafita ya ifanwa ve i lwife, ndele yo ihai haluka molwokukuwa kwavo, ndele itai tewa po komapopyaano avo opombada, osho ngaha Omwene womatanga ovakwaita ta kulukile poshi okukondjela komhunda yaSion nokomutunda wayo.

OMAYELETUMBULO 30:30

Onghoshi omuladi womoilyani, yo itai shunine nande sha,

OMAPSALOME 17:12

Ovo va fa onghoshi ya hala oshihondjauninwa, ngaashi onghoshona tai hondjaunine mehondamo.

DEUTERONOMION 33:20

Ndele a tonga Gad ta ti: “Na hambelelwe ou a tandavelifa Gad. Ye ote linangeke ngaashi onghoshi onghadi, ndele tai toshola okwooko noluwewe.

NUMERI 23:25

Opo nee Balak ta ti kuBileam: “Ove ino shi lyangula ndele ino shi nangeka noupuna.”

NAHUM 2:12

Onghoshi ei ya hakanena ounghoshona oshihakanwa noya dipaela eenghoshi dayo deenghadi, oyo ya yadifa ekololo layo oshihakanwa nonghalelo yayo noikwatwa yayo.

1 EEHAMBA 10:20

Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe.

2 OMAFIMBO 9:18

Nolukalwapangelo la li li neendodo hamano nola li noshipundi shoshingoldo sheemhadi, sha pangelwa kumwe nolukalwapangelo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake.