Biblia Todo Logo
Bib sou entènèt

- Piblisite -




NUMERI 23:21 - Ombibeli Iyapuki

21 MuJakob inamu monika owii ndele muIsrael inamu uya oshiponga. Omwene Kalunga kaye e li pamwe naye, nefimaneko lohamba otali udika puvo.

Gade chapit la Kopi




NUMERI 23:21
49 Referans Kwoze  

Nande ondi ende molufilu lomudile wefyo, itandi tila owii, osheshi Ove u li pwaame; odibo yoye nonhaili yoye, oyo ehekeleko lange.


“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.


Pomafiku enya nomefimbo tuu olo, Omwene ta ti, okunyona kwaIsrael otaku ka kongwa, ndelenee itaku ka monika vali, netimba laJuda kali wetike vali. Osheshi ohandi dimine po ovo handi va fili po oshixupe.


Tala, oluhodi eli lidjuu ola ningila nge elao, Ove wa kala u hole omwenyo wange, Ove we u shila mo melambo lekano, osheshi Ove owa ekelashi omatimba ange aeshe konima yoye.


Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela


Osheshi Omwene Oye omutokoli wetu, Omwene Oye omukwateli komesho wetu, Omwene Oye ohamba yetu, Oye te ke tu xupifa.


Udafaneni eudafano, tali ka ninga longaho. Pangeleni omhangela, ndele itai ka wanifwa, osheshi Kalunga oku li pamwe nafye!


Tu yeni tu ka hokololeni Omwene ta ti: “Omatimba eni nande naa tilyane ngaashi ohonde, otaa ka toka ngaashi outokele weemhawe; nonande naa kale a tilyana pyu, otaa yela ngaashi omalududi a toka.


Osheshi oulunde itau mu pangele shaashi kamu li koshi yomhango, ndelenee okoshi yefilonghenda.


Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.


Okunyakukwa nokwiimbila efindano otaku udika meenhanda dovayuki: olulyo lOmwene otali longifa oilonga yeenghono:


Paife Omwene Oye ohamba. Edu nali shi nyakukilwe, eengudu deenhunhu domomeva nadi shi hafele.


Ndele Ye okwa ninga ohamba muJesurun, ovakulunhu voshiwana eshi va ongala, nomapata aeshe Ovaisraeli kumwe.


Omidingililo omaludimbo omayovi omulongo naahetatu. Nedina loshilando tali ka ifanwa: “OMWENE OMO E LI.”


ngaashi oushilo nouninginino u lili kokule, osho Ye ha ehenifa omanyono etu kokule nafye;


Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela


Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela


Omulumenhu omunelao oye ou Omwene ite mu valulile owii waye, nomomhepo yaye ngeenge kamu na ekonda.


Ndele taleni, pamwe nafye, heeno, omupitili komesho yetu Oye Kalunga, novapristeli pamwe nomanghuma onghuwo oku mu shikila onghuwo. Ovana vaIsrael, inamu lwifa Omwene Kalunga kooxo, osheshi itamu ka kala nelao.”


Opo nee Gideon te mu pula: “Akutu, Omwene wange, Omwene ngeenge e li pamwe nafye, omolwashike hano oinima aishe ei ye tu wila? Noikumwifalonga yaye, oyo ootate ve tu hepaululila, oi li peni? Venya eshi va tile: Omwene haye e tu pitifa mo muEgipiti? Ndelenee paife Omwene e tu ekelashi ndele e tu yandja meke lOvamidian.”


ndele ta ti: “Omwene, ngeenge nda filwa onghenda koshipala shoye, Omwene na ende pamwe nafye, osheshi ovanhu ava ve neefingo da kukuta. Ndelenee dima po omanyonauno etu nomatimba etu, ndele tu tambula ngaashi oshifyuululwa shoye.”


NOmwene okwe va kwatela komesho, omutenya moluudi loshilemo okwe va ulikila ondjila, noufiku moluudi lomundilo oku va minikila, opo va shiive okweenda omutenya noufiku.


Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”


Osheshi Kalunga okwa kala muKristus nokwa hanganifa ounyuni naye mwene, ndele ine va valulila omatauluko avo, ndele okwe tu pa ondjovo yehanganifo.


Ndelenee Kalunga na pandulwe, ou te tu wilike alushe molweendo lwefindano muKristus, ou te tu hololifa apeshe edimba liwa lokushiiva kwaye!


Hano paife kape netokolo lokukanifa ava ve li muKristus Jesus, ava itava ende pambelela, ndelenee lopaMhepo.


Akutu! Nyakukweni nokukuwilila, onye oonakukala muSion, osheshi Omuyapuki waIsrael, Oye a kula mokati keni.”


Ndele Ye ta nyamukula: “Ame ohandi ka kala pamwe naave, naashi tashi ningi edidiliko kwoove nokutya, Ame nde ku tuma ko: ove eshi wa pitifa mo oshiwana muEgipiti, vo otava ka longela Kalunga komhunda tuu ei.”


‘Omwene Ye omutalanheni, omunene mouwanghenda, ou ta dimi po oilonga ii nomatauluko, ndele ita efa ina handukila, Ye ou ta kongolola po omanyonauno ooxe fiyo oludalo olutitatu nolutine.’


Dima po omanyonauno ovanhu ava voye omolwounene wouwanghenda woye ngaashi Ove wa dima po shito omanyonauno ovanhu ava okudja muEgipiti fiyo opapa.”


Mwa li omhinge nOmwene okefiku tuu linya ame ndi mu shii.


Ndele Ye okwa lombwela Josua yaNun ndele ta ti: “Kala wa pama ndele nyatipala, osheshi ove oto ka twala ovana vaIsrael moshilongo nde shi va udanekela nokwaana; ndele Ame ohandi ka kala pamwe nanye.”


Vo ove mu pwidukila. Vo va li vehe fi ovana vaye, ndelenee oshififohoni, epupi la lunduka nola pilauka.


omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.


Ngeenge oshilemo osha kala kombada yetwali liyapuki omafiku avali ile ohani imwe ile efimbo lile li dule olo ovana vaIsrael va kala opo ihava tembuka po. Ashike ngeenge oshe litumbu po, ohava tembuka.


Ndele ova ongalela Moses naAron ndee tava ti kuvo: “Sha wana nee paife! Osheshi eongalo alishe oliyapuki. NOmwene oha kala mokati kavo! Omolwashike hano nye tamu linenepekifile kombada yeongalo lOmwene?”


Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii.


Omwene, Oye omunene muSion, a tumbala unene kombada yoiwana aishe.


Efimano lOmwene nali holoke muSion, laau, a tula muJerusalem! Halleluya!


Ndelenee Omwene oko ta ka kala pufye meenghonoshinge; tapa kala onhele yomilonga dinene da mbwalangadja, itamu ende nande ounengewato, noskepa inene itai di tauluka.


Ndele onye tamu ka shiiva, nokutya Ame ndi li mokati kaIsrael. Ndele Aame Omwene Kalunga keni nokape na umwe. Noshiwana shange itashi ka fifwa vali ohoni fiyo alushe.


Swiv nou:

Piblisite


Piblisite