NUMERI 23:14 - Ombibeli Iyapuki

¹⁴ Ndele ye okwe mu twala kenyana laSofim, konhele yaPisga, ndele va tunga eealtari heyali ndele va yamba ongobe imwe yomhedi nodi imwe yomhedi koaltari keshe.

NUMERI 23:14 Referans Kwoze

HOSEA 12:11

MuGilead ngeenge mwa kala omakotokelo aeke, otava ka ninga oinima yongaho. MuGilgal mwa tomenwa eemhedi, onghee hano eealtari davo tadi ka kala ngaashi eenduba domamanya momapya.

JESAJA 46:6

Ovo tava pimhi mo oshingoldo mekutu, ndele tava yelekifa oshisiliveli noshiyelekifo, tava ifana omuhambwidi woshingoldo note shi hambula kalunga, tave shi twile eengolo ndele tave shi ilikana.

DEUTERONOMION 34:1

Opo nee Moses okwa dja momaluhaela aMoab nokwa londa komhunda yaNebo, koxulo yaPisga ya shaama naJeriko. NOmwene okwe mu ulikila oshilongo ashishe okudja muGilead fiyo okuDan,

DEUTERONOMION 4:49

Noshikandjo ashishe sha lalakana koushilo waJordan, langhele kepito letango fiyo okefuta ledu la lalakana, pefina lomhunda yaPisga.

DEUTERONOMION 3:27

Londa koxulo yaPisga u yelule omesho oye kouninginino nokoumbangalanhu nokoumbuwanhu nokoushilo, ndele li tala nomesho oye, ndele ove ito tauluka Jordan ou.

NUMERI 23:29

Ndele Bileam ta ti kuBalak: “Tungile nge eealtari heyali u longekidile nge apa eengobe deemhedi needi heyali deemhedi.”

NUMERI 21:20

Ndele okudja kuBamot va ya kefilu li li medu laMoab pomhunda yaPisga ya taalela omuulu.

NUMERI 23:13

Opo nee Balak ta ti kuye: “Ila tu yeni pamwe monhele imwe, oko to dulu okumona ombinga imwe yasho, ndelenee ito dulu oku shi mona ashishe, ove u shi lyangulile nge.”

NUMERI 23:15

Opo nee Bileam ta ti kuBalak: “Kala ofika apa pexwikiloyambo loye, ndele ame ohandi ke mu shakeneka kwinya.”