NUMERI 22:5 - Ombibeli Iyapuki

⁵ Onghee hano ye okwa tuma ovatumwa kuBileam yaBeor muPetor sha kala puEufrat moshilongo shOmavite, oku mu ifana ndee ta ti: “Tala, ovanhu va dja muEgipiti. Tala ova pwipwikila oshilongo ashishe, ndele ve li meenhanda da yukilila nge.

NUMERI 22:5 Referans Kwoze

DEUTERONOMION 23:4

Osheshi vo, nye eshi mwa dja muEgipiti, inave mu shakeneka mondjila nomingome nomeva. Ndele vo va yandja ondjabi kuBileam yaBeor, ou a dja muPetor muMesopotamia, oku mu lyangula.

MIKA 6:5

Oshiwana shange, dimbulukwa hano Balak, ohamba yaMoab, eshi kwa li a diladila naashi a nyamukulwa kuBileam yaBeor mondjila yokudja mo muSittim nofiyo okuGilgal, opo u dimbulukwe oilonga ya yuka yOmwene.

JOSUA 24:9

Opo nee Balak yaSippor, ohamba yaMoab, ye lilongekida, ndele ya lwifa Israel. Ndele yo oya tuma kuBileam yaBeor, ye mu ifana e mu finge.

JUDAS 1:11

Woo kuvo, osheshi va enda nondjila yaKain, nomokulikongela ondjabi ve liundulila mepuko laBileam ndele tava ka nyonaukila mokulundakana kwavo ongaashi kwinya kwaKora.

EHOLOLO 2:14

Ndelenee ondi na sha shinini naave, shaashi ou na vamwe ava hava diinine elongo laBileam, ou a longa Balak a tele ovana vaIsrael omwiyo, va lye ombelela ya yambelwa oikalunga nokuliyandja moluhaelo.

JOSUA 13:22

Pamwe naava va dipawa, ovana vaIsrael va dipaa yo neongamukonda Bileam yaBeor, omumonikokule.

NUMERI 23:7

Bileam okwa tumbula etumbulo laye, nde ta ti: “Balak okwe ilile nge muAram, Ohamba yaMoab okeemhunda dokoushilo: ‘Ila u lile nge Jakob Ila u lyangulile nge Israel.’

OMAPSALOME 105:24

Opo Kalunga okwa hovela okuhapupalifa ovanhu vaye, ndele te va pameke ve dule ovafininiki vavo eenghono.

GENESIS 13:16

Ndele Ame ohandi ka hapupalifa oludalo loye ngaashi ondwi yedu, ngeenge ope na omunhu ta dulu okuvala ondwi yedu, ota shiiva yo okuvala oludalo loye.

EXODUS 10:15

Ndele sho osha tuvika edu alishe loshilongo, nedu la li la twima. Ndele sho osha lya oimeno aishe noiimati yokomiti ei ya xupa keemhawe. Moshilongo ashishe shaEgipiti inapa fyaala vali nande sha shitalala sha kala komiti ile koimeno yomomapya.

NUMERI 31:8

Mokati kovadipawa vakwao va dipaa yo eehamba dOvamidian: Evi naRekem naSur naHur naReba, eehamba nhano daMidian. Vo ova dipaa yo Bileam yaBeor neongamukonda.

DEUTERONOMION 23:5

Ndelenee Omwene Kalunga koye ina uda Bileam. Ndelenee Omwene Kalunga koye a lundulula efingo, la ninga enangeko noupuna, osheshi Omwene Kalunga koye okwa li e ku hole.